Otabek Muhammadzohid

Vikipediyada ismi Otabek va familiyasi Mamazoitov boʻlgan boshqa kishilar haqida ham maqolalar mavjud.

Otabek Muhammadzohid (asl ismi: Otabek Mamazoitov; 23-yanvar 1974-yil, Fargʻona viloyati, OʻzSSR) — oʻzbek estrada xonandasi, bastakor, shoir. 2021-yilda Oʻzbekiston davlat filarmoniyasi Fargʻona viloyat bo‘limi rahbari.

Otabek Muhammadzohid Otabek Mamazoitov
Tavalludi	22-yanvar 1974-yil (1974-01-22) (51 yosh) Fargʻona viloyati, Oʻzbekiston SSR
Janrlar	Maqom, ashula, pop
Kasbi	Xonanda, sozanda, bastakor, shoir
Faoliyat yillari	1995-yildan – hozirgacha
Fuqaroligi	OʻzSSR → Oʻzbekiston

Hayoti

Otabek Mamazoitov 1974-yilning 24-martida Farg‘ona viloyatida tavallud topgan. Yoshligidan musiqaga qiziqishi bo‘lganligi sabab 4 yoshidan doira, akkordeon va Farg‘ona shahridagi 1-bolalar musiqa va san’at maktabida rubob ijro etishni o‘rgangan. Farg‘ona davlat universitetida Tavakkal Qodirov qo‘lida tahsil olgan. 1992-yilda Turkiyada tahsil olish uchun talabalar orasidan tanlab olinadi. Birinchi yili Turkiyaning Qayseri shahrida 1 yil davomida turk tilini oʻrganadi. Keyingi yil Qayseridagi oliy oʻquv yurtlarida musiqa fakulteti boʻlmaganligi uchun Konya shahridagi „Saljuq“ universitetiga borib, tahsilini davom ettiradi. U yerda fortepiano va ud cholgʻusini oʻrganadi. 2 yillik oʻqishdan keyin taʼtilga uyga qaytadi va oilada yolgʻiz oʻgʻil hamda boquvchi boʻlganligi uchun oʻqishni Oʻzbekistonda davom ettiradi.

1995-yilda „Meni unutma“ qoʻshigʻi orqali oʻz faoliyatini boshlagan. Keyin esa „Besh kunlik dunyo“, „Malla soch“ qoʻshiqlari bilan tanilishni boshlagan. 2014-yil Turkiya davlatining Denizli shahrida “Turkcha nigoh” nomli an’anaviy xalqaro festivalida ishtirok etgan.

Oilasi

Otabek Mamazoitov ziyolilar oilasida tugʻilgan boʻlib, otasining ismi Mamadali Mamazoitov. Ularning oilasida 2 farzand boʻlib, uning singlisi xonanada Gulsanam Mamazoitova. Uning 3 qizi va bir o‘g‘li bor.

Konsert dasturlari

• 2008-yil ilk yakkaxon konsert dasturi;
• 2014-yil 15–16-iyun "Istiqlol" san’at saroyida jonli konsert dasturi;
• 2023-yil "Yangi yil" nomli konsert dasturi.

Diskografiyasi

Nomi	Shoir	Bastakor	Yil
Ikki muhabbat	Karim Tursun	Otabek Muhammadzohid
Nahot	Otabek Muhammadzohid
Koʻz tegmasin	Otabek Muhammadzohid
Muhabbat uvol	Otabek Muhammadzohid	Otabek Muhammadzohid
Bir dilbara	Mahtumquli		2018
Sensiz			2018
Sevgilimni yigʻlatma hijron	Xushnud Darvesh		2016-yil
Mayli telba denglar	Otabek Muhammadzohid		2013
Sen kulganda
Sohibjamol
Mast qilib qoʻyding
Zaminim			2008
Malla soch			1998
Besh kunlik dunyo			1997
Meni unutma	Otabek Muhammadzohid	Otabek Muhammadzohid	1995

Manbalar

1. „Xonanda Otabek Muhammadzohid lavozimga tayinlandi“. Qaraldi: 13-noyabr 2023-yil.
2.  Otabek Muhammadzohid uyi, “kley voqeasi”, Nazarbekovga qo‘l “uzatmagani” — Yolg‘iz sinchalak qismati
3. „Xonanda Otabek Muhammadzohid Turkiyadagi “Turkcha nigoh” xalqaro festivalida ishtirok etadi“ (2014-yil 12-sentyabr). Qaraldi: 2024-yil 8-yanvar.
4. „Otabek Muhammadzohid Gulsanam Mamazoitovaning davlat tadbirlarining yakuniy qo‘shiqlarni kuylamayotganiga izoh berdi“. Qaraldi: 13-noyabr 2023-yil.
5. „Iyun oyida Otabek Muhammadzohid jonli ijroda konsert beradi“ (2014-yil 29-may). Qaraldi: 2024-yil 8-yanvar.
6. Otabek Muhammadzohid (2017-09-21), Otabek Muhammadzohid - "Jonli ijro" nomli konsert dasturi 2014, qaraldi: 2024-06-27
7. Otabek Muhammadzohid (2019-01-17), Otabek Muhammadzohid - Muhabbat uvol | Отабек Мухаммадзохид - Мухаббат увол (jonli ijro), qaraldi: 2024-06-28
8. Otabek Muhammadzohid (2018-01-23), Otabek Muhammadzohid - Bir dilbara (Official Music), qaraldi: 2024-06-28
9. Otabek Muhammadzohid (2018-01-05), Otabek Muhammadzohid - Sensiz (Official Music), qaraldi: 2024-06-28
10. Darakchi.uz. „Отабек Муҳаммадзоҳиддан янги клип (Видео)“ (15-iyun 2016-yil). Qaraldi: 20-iyun 2024-yil.
11. Otabek Muhammadzohid (2020-09-01), Otabek Muhammadzohid - Zaminim (2008), qaraldi: 2024-06-28