Abduhamidullo Rasulov

Abduhamidullo Rasulov (1976-yil 10-yanvar, Toshkent) – oʻzbekistonlik sobiq futbol hakami. Abduhamidullo ikkita jahon chempionatida qanot hakami sifatida ishlagan, Osiyoning ikki karra eng yaxshi laynsmeni (2011, 2012) sifatida tanilgan.

Abduhamidullo Rasulov
Abduhamidullo Rasulov
Tavalludi	10-yanvar 1976-yil (1976-01-10) (49 yosh)  Sovet Ittifoqi SSSR, Toshkent
Fuqaroligi	Oʻzbekiston
Kasbi	Futbol Hakami
Faoliyat yillari	2003—2022
Mukofotlari

Faoliyati

Abduhamidullo Rasulov 1976-yil 10-yanvarda Oʻzbekiston SSR poytaxti Toshkent shahrida tugʻilgan.

2000-yillarning boshidan u futbol uchrashuvlarida hakamlik qilishni boshlagan. 2005-yildan boshlab xalqaro darajadagi oʻyinlarda bosh hakam yordamchisi sifatida faoliyat olib bora boshlagan. 2011-yilda Ravshan Ermatov brigadasi bilan 2011-yilgi Osiyo kubogi bahslarida ishtirok etgan. 2013-yilda xuddi shu jamoa bilan Konfederatsiyalar kubogi bahslarida hakamlik qilgan. 2014-yilning yozida ham Ravshan Ermatov brigadasi bilan Braziliyada boʻlib oʻtgan jahon chempionatining toʻrtta oʻyinida qatnashgan. 2015-yilda Abduhamidullo Rasulov Osiyo Kubogi-2015 hamda Osiyo Kubogi-2019 musobaqalarida bosh hakam yordamchilari roʻyxatiga kiritilgan edi. 2018-yilgi jahon chempionatida ham Ravshan Ermatov jamoasi azosi edi.

Yutuqlari

Ketma-ket ikki marta, 2011 va 2012-yillarda Osiyoning eng yaxshi qanot hakami deb topildi.

Manbalar

1. „Abduxamidullo RASULOV“ (deadlink). fifa.com (2014-yil 12-mart). 2016-yil 31-martda asl nusxadan arxivlangan. Qaraldi: 2014-yil 19-oktyabr.
2. „AFC Assistant Referee of the Year (Men): Abdukhamidullo Rasulov (Uzbekistan)“ (deadlink). the-afc.com (2012-yil 29-noyabr). 2014-yil 19-oktyabrda asl nusxadan arxivlangan. Qaraldi: 2014-yil 19-oktyabr.
3. Abduxamidullo Rasulov vnov priznan luchshim lineynim arbitrom Azii^{[sayt ishlamaydi]}Andoza:Недоступная ссылка

Havolalar

FIFA veb-saytidagi profil 2016-yil 31-mart kuni (Wayback Machine saytida 2016-03-31 sanasida arxivlangan)