Ravshan Ermatov

Ravshan Sayfiddinovich Ermatov – oʻzbekistonlik futbolchi va professional futbol hakami.

Ravshan Sayfiddin oʻgʻli Ermatov
Равшан Сайфиддинович Эрматов
Tavalludi	9-avgust 1977-yil (1977-08-09) (48 yosh)  Sovet Ittifoqi SSSR, Toshkent
Fuqaroligi	Oʻzbekiston
Otasi	Sayfiddin Ermatov
Mukofotlari

2000-yildan 2019-yilgacha Oʻzbekiston futbol ligasi tizimida va 2003-yildan 2019-yilgacha xalqaro miqyosda ishlagan^➤.

Futbol boʻyicha jahon kubogining oʻyinlarini 11 marta boshqargan^➤.

2019-yildan buyon Oʻzbekiston futbol assotsiatsiyasi raisining birinchi oʻrinbosari^➤.

Hayoti

Bolaligi va futbol

Ravshan Ermatov 1977-yil 9-avgust kuni Toshkent viloyati Gʻazalkent shahrida tavallud topgan.

7 yoshidan futbol maktabiga borgan, keyinchalik Toshkent viloyatining „Gʻazalkent“ futbol klubida toʻp tepgan. Ogʻir jarohat tufayli futbolchilik faolyatiga yakun yasagan.

Hakamlik faoliyati

1996-yildan Oʻzbekiston Birinchi ligasi, 2000-yildan Oʻzbekiston Oliy Ligasi oʻyinlarida hakamlik qilgan. 2016-yilgi Qozogʻiston Superkubogi, 2013—2014-yilgi Hindiston Superligasini boshqargan.

2003-yilda FIFA tomonidan xalqaro hakamlikka tayinlangan.

Osiyo chempionlar ligasining 2006—2007-yilgi mavsumida Urawa Reds – Sepahan, 2010—2011-yilgi mavsumida Jeonbuk Hyundai Motors – Al‑Sadd, 2012—2013-yilgi mavsumida Seoul – Guangzhou Evergrande, 2014—2015-yilgi mavsumida Guangzhou Evergrande – Al‑Ahli, 2016—2017-yilgi mavsumda Urawa Reds – Al‑Hilal SFC klublari oʻrtasidagi oʻyinlarni boshqardi.

Kanadada oʻtkazilgan 2007-yilgi U-20 jahon chempionatida Gambiya – Meksika hamda Chili – Kongo oʻyinlarni boshqargan. 2008-yilgi Klublararo jahon chempionatida ishlagan va ushbu musobaqa finalini ham boshqargan. 2012-yilgi Klublar oʻrtasidagi jahon chempionatida Santos – Barcelona oʻyinida ishlagan.

2010-yilda Janubiy Afrika Respublikasida boʻlib oʻtgan futbol boʻyicha 2010-yilgi jahon chempionatida Janubiy Afrika Respublikasi va Meksika jamoalari ochilish oʻyinida hakamlik qildi. Butun musobaqa davomida Angliya – Jazoir, Argentina – Gretsiya, chorak finalda Argentina – Olmoniya, yarim finalda Niderlandiya – Urugvay oʻyinlarini boshqardi.

2011-yilgi Osiyo chempionlar ligasi finalini boshqargan.

2012-yilgi Londondagi Olimpiya oʻyinlarida 3 ta oʻyin, shu jumladan 3-oʻrin uchun bahsni boshqargan.

2013-yilgi FIFA Konfederatsiyalar kubogida Italiya – Braziliya oʻyinini boshqargan va xato penalti belgilagan.

2014-yilgi jahon chempionatining 4ta oʻyinida ishlagan.

2018-yilda Ravshan Ermatov Rossiyada boʻlib oʻtgan jahon chempionati guruh bosqichining ikkita oʻyinida ishladi: Argentina – Xorvatiya va Ispaniya – Marokash. Qolgan oʻyinlarda yordamchisi Abduhamidullo Rasulovning jarohati tufayli ishlay olmadi.

Boshqaruvdagi faoliyati

2019-yil 15-iyunda Oʻzbekiston futbol assotsiatsiyasi raisining birinchi oʻrinbosari lavozimi joriy etildi va Ravshan Ermatov ushbu lavozimga tayinlandi.

2020-yil 8-fevralda Oʻzbekiston Respublikasi jismoniy tarbiya va sport vazirining birinchi oʻrinbosari etib tayinlandi va 2022-yil dekabrgacha ushbu lavozimda ishladi.

2023-yilda Ermatov Osiyo Futbol Konfederatsiyasi ijroiya qoʻmitasining markaziy zona vakili etib saylangan.

2021-yildan 2024-yilgacha Oʻzbekiston Milliy olimpiya qoʻmitasi raisining birinchi oʻrinbosari boʻlgan.

Mukofotlari

Ravshan Ermatov 2008, 2009, 2010 va 2011-yillarda „Osiyoning eng yaxshi hakami“ deb baholangan. Bu nominatsiyada ketma-ket toʻrt marotaba gʻolib boʻlgan qitʼadagi yagona futbol hakamidir.

Xalqaro futbol assotsiatsiyalari kengashi tomonidan 2011-yilda jahonning eng yaxshi hakami deb eʼtirof etilgan.

2010-yilda Oʻzbekiston iftixori unvoni berildi.

2014-yil 25-iyunda El-yurt hurmati ordeni bilan taqdirlanadi.

2018-yilda Buyuk xizmatlari uchun ordeni berildi.

Guinness rekordlar kitobiga „Jahon chempionatlarini eng koʻp boshqargan hakam“ sifatida kiritilgan.

2025-yil 6-iyunda Fidokorona xizmatlari uchun ordeni bilan taqdirlangan.

Manbalar

1. „Ravshan Irmatov to officiate opening match of 2010 FIFA World Cup South Africa“. Uzdaily.com (28-oktabr 2009-yil). 2-aprel 2016-yilda asl nusxadan arxivlangan. Qaraldi: 7-iyun 2010-yil.
2.  RAVSHAN ERMATOV BILAN PROFESSIONAL FAOLIYATI HAQIDA SUHBAT YouTubeda
3. „Ravshan Irmatov appointed for 2010 FIFA World Cup“. the-afc.com.
4. Referee admits mistake in Italy vs. Brazil match
5. „Ravshan Ermatov boshchiligidagi hakamlar guruhi Braziliyaga yoʻl oldi“. 6-iyun 2014-yilda asl nusxadan arxivlangan. Qaraldi: 5-iyun 2014-yil.
6. „Равшан Ирматов завершил работу на ЧМ-2018“.
7. „Равшан Эрматов вазир ўринбосари бўлди“.
8. „IFFHS талқини бўйича энг яхши ҳакамлар рейтинги эълон қилинди. Эрматов топ-25'да қайд этилди“. 2023-yil 11-martda asl nusxadan arxivlangan. Qaraldi: 17-mart 2023-yil.
9. „Бугун ОФКнинг 33-Конгресси бўлиб ўтади. Равшан Эрматов ОФК Ижроия қўмитаси аъзосига айланади“. 2023-yil 17-martda asl nusxadan arxivlangan. Qaraldi: 2023-yil 17-mart.
10. „Равшан Эрматов МОҚ биринчи вице-президенти лавозимига сайланди“.
11. „Ravshan Ermatov - rahbarlik faoliyati, tanqidlar va hakamlar imiji haqida“.
12. „Шавкат Мирзиёев возглавил НОК Узбекистана, Отабек Умаров стал первым заместителем“.
13. „Oʻzbekiston Respublikasi Prezidentining 2025-yil 6-iyundagi „Futbol boʻyicha Oʻzbekiston milliy terma jamoasi aʼzolari va murabbiylaridan bir guruhini mukofotlash toʻgʻrisida“gi farmoni“. president.uz (2025-yil 6-iyun). 2025-yil 7-iyunda asl nusxadan arxivlangan. Qaraldi: 2025-yil 6-iyun.

Havolalar

• FIFA profili (Wayback Machine saytida 6-iyul 2010-yil sanasida arxivlangan)
• Ravshan Ermatovni baholang (Wayback Machine saytida 25-iyun 2010-yil sanasida arxivlangan)
• Ravshan Ermatov, Mail.ru
• Ravshan Ermatovning hayotiy aqidalari (Wayback Machine saytida 14-iyul 2014-yil sanasida arxivlangan)