Hikmat Hoshimov

Vikipediyada ismi Hikmat va familiyasi Hoshimov boʻlgan boshqa kishilar haqida ham maqolalar mavjud.

Hikmatjon Husanovich Hoshimov (Ҳикматжон Ҳусанович Ҳошимов; 1979-yil 12-noyabr) — oʻzbekistonlik sobiq professional futbolchi, faoliyati davomida yarim himoyachi va himoyachi pozitsiyalarida ishtirok etgan. Oʻzbekiston terma jamoasi tarkibida 2007-yilgi Osiyo Kubogi final turniri ishtirokchisi.

Hikmat Hoshimov

Shaxsiy maʼlumot
Toʻliq ismi	Hikmat Hoshimov
Tavallud sanasi	12-may 1979-yil (1979-05-12) (46 yosh)
Tavallud joyi	Toshkent shahri, Oʻzbekiston
Boʻyi	182 m (597 ft 1 ^1⁄2 in)
Ampluasi	Yarim himoyachi
Vazni	79
Klub maʼlumoti
Joriy klub	Faoliyatini yakunlagan
Professional faoliyati*
Yillar	Jamoa	Isht.	(Gol.)
1998	MHSK	4	(0)
1999—2001	Doʻstlik	-	(0)
2001—2002	Soʻgʻdiyona	43	(4)
2003—2004	Metallurg	54	(12)
2005	Lokomotiv	20	(0)
2006	Andijon	30	(2)
2007	Nasaf	29	(3)
2008—2010	Metallurg	72	(13)
2010	Bunyodkor	12	(0)
2011—2017	Metallurg	202	(7)
Milliy terma jamoa
2006—2008	Oʻzbekiston	13	(1)
*Professional klublardagi gollari (ichki chempionat) (2020 uchun)

Futbolchilik faoliyati

Hikmat Hoshimov 18 yoshida Toshkentning MHSK klubi asosiy jamoasi tarkibida futbol oʻynashni boshlagan. 1999-yilgi mavsum boshida „Doʻstlik“ klubi tarkibiga oʻtgan va ikki mavsum davomida klubning oʻrinbosarlar jamoasi tarkibida oʻynagan. 2001-yilda Jizzaxning „Soʻgʻdiyona“ klubiga oʻtgan va klubning asosiy tarkib futbolchilaridan biriga aylangan. Hikmat keyinchalik faoliyati davomida „Lokomotiv“ (Toshkent), „Andijon“, „Nasaf“ va „Bunyodkor“ klublarida oʻynagan.

Hoshimov faoliyatining turli yillarida, uzoq muddat Bekobodning „Metallurg Bekobod“ jamoasi tarkibida oʻynagan va Oʻzbekiston chempionatlarida ushbu klub safida 300 ga yaqin oʻyin oʻtkazgan.

Milliy terma jamoa

2007—2008-yillarda Oʻzbekiston terma jamoasining oʻsha davrdagi bosh murabbiyi Rauf Inileyev Hoshimovni terma jamoaga jalb etgan. Futbolchi terma jamoadagi debyut oʻyinini 2007-yil 7-fevralda Ozarbayjon jamoasiga qarshi oʻtkazgan. 2007-yil 23-martda Tayvan terma jamoasiga qarshi terma jamoadagi oʻzining birinchi golini urgan.

2007-yilning iyul oyida Hoshimov Osiyo Kubogi final turnirida ishtirok etgan. Turnirda davomida bitta oʻyinda maydonga tushgan.

Milliy terma jamoa safida jami 13 ta oʻyin oʻtkazib, 1 ta gol urgan, shuningdek, ikkita norasmiy oʻyinda ham ishtirok etgan.

Yutuqlari

Oʻzbekiston Oliy ligasi Chempioni: (3) 1999, 2000, 2010

Oʻzbekiston Kubogi sohibi: (2) 2000, 2010

Shaxsiy hayoti

Angliya Premier Ligasida oʻynaydigan birinchi oʻzbek futbolchisi — Abduqodir Husanov Hikmat Hoshimovning oʻgʻli hisoblanadi.

Manbalar

1. Xoshimov imlosi ham uchraydi
2. „Ҳикмат Ҳошимовни табриклаймиз!“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
3. „Олий лига-2015. Барча 30та ўйинда қатнашган футболчилар“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
4. „ФАКТ! Ҳикмат Ҳошимов олий лигада 98та учрашувдан буён узлуксиз ўйнаб келмоқда“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
5. „Олий Лига-2017. Мавсумнинг "қария" футболчилари (ТОП10)“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
6. „Олий лига-2016. Ҳикмат Ҳошимов - барча ўйинларда тўлиқ ўйнаган ягона футболчи“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
7. „“Металлург” гвардиячилари“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
8. Uzbekistan vs. Azerbaijan
9. Taiwan vs. Uzbekistan
10. Iran vs. Uzbekistan
11. „Ҳикмат Ҳошимовнинг ўғли Абдуқодир Ҳусанов: "Юлдузлик касалига учрашимга дадам йўл қўймайдилар"“. 2024-yil 8-dekabrda asl nusxadan arxivlangan. Qaraldi: 2023-yil 10-oktyabr.
12. „Ҳикмат Ҳошимовнинг 18 ёшли ўғли Беларусь чемпионатини "ёндирмоқда"“. 2023-yil 12-iyulda asl nusxadan arxivlangan. Qaraldi: 2023-yil 10-oktyabr.

Havolalar

• Hikmat Hoshimov Footballfactsru saytida
• Hikmat Hoshimov National-Football-Teams.com saytida
• Hikmat Hoshimov Soccerway saytida