Shavkatxoʻja Abdurahmonov

Shavkatxoʻja Abdurahmonov (1968-yil 14-avgustda tugʻilgan) – qirgʻizistonlik futbolchi, shuningdek, Oʻzbekiston fuqaroligiga ega, hujumchi va yarimhimoyachi. Qirgʻiziston terma jamoasida oʻynagan. 1994-yil Qirgʻizistonning eng yaxshi futbolchisi boʻlgan.

Sovet davrida ustalar musobaqalarida oʻynamagan.

Qirgʻiziston mustaqil chempionati tashkil etilgandan soʻng, „Semetey“ (Qizil-Qiya) klubi tarkibida oliy ligada oʻynay boshlagan. Dastlabki uch mavsumda milliy chempionatning eng yaxshi toʻpurarlaridan biri boʻlib, 64 oʻyinda 56 gol urgan, 1992-yilda toʻpurarlar bahsida ikkinchi (20 gol), 1994-yilda uchinchi oʻrinni (17 ta gol) egallagan. 1993-yilda kuchli oʻntalikka kirgan (19 ta gol). 1994-yilda oʻz klubi bilan chempionatning kumush medali sohibiga aylangan va mavsum yakunida Qirgʻizistonning eng yaxshi futbolchisi deb topilgan.

1995-yildan Oʻzbekiston oliy ligasida „Atlaschi“ (Margʻilon), „Neftchi“ (Fargʻona), „Navbahor“ (Namangan), „Andijon“ klublarida toʻp surgan. „Neftchi“ tarkibida 1996-yilda yarim mavsum oʻtkazib, chempionat kumush medali sohibi va Oʻzbekiston kubogi sohibiga aylangan. „Navbahor“ tarkibida ikki karra bronza medali sohibi (1997, 1998), 1998-yilgi mamlakat Kubogi sohibi boʻlgan.

Faoliyati yakunida „Qizil-Qiya“ga qaytib, yana bir mavsumni mahalliy klubda oliy ligada oʻtkazgan.

Umuman olganda, faoliyati davomida Qirgʻiziston oliy ligasida 79 ta oʻyin oʻtkazib, 61 ta gol urgan, Oʻzbekiston oliy ligasida 184 ta oʻyin oʻtkazib, 18 ta gol urgan.

Qirgʻiziston terma jamoasida 1992-yil 25-oktyabrda Markaziy Osiyo kubogi doirasida Qozogʻistonga qarshi yagona oʻyin oʻtkazgan.

• Shavkatxoʻja Abdurahmonov Footballfacts saytida futbolchi profili
• Shavkatxoʻja Abdurahmonov National-Football-Teams.com saytida