Abdumajid Toirov

Abdumajid Toirov (1974-yil 5-avgustda tugʻilgan) – nafaqadagi oʻzbekistonlik futbolchi, himoyachi sifatida oʻynagan.

Abdumajid Toirov

Shaxsiy maʼlumot
Toʻliq ismi	Abdumajid Toirov
Tavallud sanasi	5-avgust 1974-yil (1974-08-05) (51 yosh)
Tavallud joyi	Surxondaryo viloyati Oʻzbekiston
Boʻyi	1.80 m (5 ft 11 in)
Ampluasi	Himoyachi
Klub maʼlumoti
Joriy klub	Neftchi (yoshlar kordinatori)
Professional faoliyati*
Yillar	Jamoa	Isht.	(Gol.)
1996—1999	Surxon Termiz	60	(2)
2000—2005	Neftchi Fargʻona	165	(12)
2006	Toʻpalang Sariosiyo	27	(4)
2007	Quruvchi	22	(0)
2008	OTMK Olmaliq	28	(1)
2009	Xorazm Urganch	29	(0)
2010	Andijon	20	(0)
2011—2013	Navbahor Namangan	56	(1)
2013	Neftchi Fargʻona
2014	NBU-Osiyo
Milliy terma jamoa
2000	Oʻzbekiston	4	(0)
Boshqargan klublari
2025—	Neftchi (yoshlar kordinatori)
*Professional klublardagi gollari (ichki chempionat) (18-fevral 2019-yil uchun)

Futbolchilik faoliyati

U 21 yoshida Oʻzbekiston oliy ligasida debyutini 1996-yili ASK (Termiz) klubida oʻtkazgan, keyinchalik nomi „Surxon“ga oʻzgartirilgan. U klub bilan toʻrt mavsumni oʻtkazdi va 60 ta oʻyin oʻtkazgan. 2000-yilda u oʻsha davrning eng kuchli klublaridan biri – Fargʻonaning „Neftchi“ jamoasiga oʻtib, 6 mavsum davomida 160 dan ortiq oʻyinda maydonga tushdi. 2001-yilda mamlakat chempioni va mamlakat chempionatining toʻrt karra kumush medali sovrindori, uch karra Oʻzbekiston kubogi finalchisi boʻlgan.

2006-yili „Toʻpalang“ (Sariyosiyo) jamoasida oʻynagan. 2007-yilda oliy ligada debyut mavsumini oʻtkazgan Toshkentning „Quruvchi“ (keyinchalik – „Bunyodkor“) jamoasiga koʻchib oʻtdi va shu klub bilan chempionat kumush medali sohibi va mamlakat kubogi finalchisiga aylandi. Bir necha yil chempionatning oʻrtamiyona jamoalari- „AGMK“ (Olmaliq), Xorazm (Urganch), „Andijon“ jamoalarida toʻp surgan. 2011—2013-yillarda „Navbahor“ (Namangan) safida ikki yarim mavsum oʻtkazgan. 2013-yilgi mavsumni oʻzining sobiq jamoasi Fargʻonaning „Neftchi“ jamoasida oʻtkazdi, ammo maydonga tushmagan.

Faoliyatini 40 yoshida birinchi liganing „NBU-Osiyo“ (Toshkent) klubida yakunlagan. U Oʻzbekiston oliy ligasida jami 407 ta oʻyin oʻtkazib, 20 ta gol urgan.

Terma jamoadagi faoliyati

2000-yil 1-sentabrda Oʻzbekiston milliy terma jamoasi safida Iroqqa qarshi oʻrtoqlik uchrashuvida debyut qilgan. Livanda boʻlib oʻtgan 2000-yilgi Osiyo kubogi final turniri ishtirokchisi musobaqada bitta oʻyin oʻtkazgan. Umuman olganda, u terma jamoada 4 ta oʻyin oʻtkazgan, barchasi 2000-yilning sentyabr-oktyabr oylarida. U faxriylar oʻyinlarida qatnashgan.

2021-yildan „Surxon“ klubi sport direktori lavozimida ishlab kelgan. 2021-yilda klubning bir guruh xodimlari va futbolchilari bilan birgalikda jamoa oʻyinchilarining kaltaklanishi bilan bogʻliq hodisa tufayli vaqtincha futboldan chetlatilgan.

Faoliyat statistikasi

Xalqaro

Oʻzbekiston terma jamoasi
Yil	Oʻyin	Gollar
2000	4	0
Jami	4	0

2000-yil 17-oktyabrda oʻtkazilgan oʻyin holatiga koʻra.

Yutuqlar

• Oʻzbekiston chempioni: 2001-yil
• Oʻzbekiston chempionati kumush medali sovrindori: 2000, 2002, 2003, 2004, 2007
• Oʻzbekiston kubogi finalchisi: 2001, 2002, 2005, 2007

Manbalar

1. Mi pomnim!..
2. Rukovodstvo i tri igroka FK „Surxan“ vremenno otstraneni ot futbolnoy deyatelnosti – AFU
3. „On Rasskazal, Kak Bili Izbiti Bivshie Futbolisti „Surxana““. 2022-yil 2-oktyabrda asl nusxadan arxivlangan. Qaraldi: 2022-yil 13-noyabr.
4. „NEFTCHI AFSONASI JAMOAGA QAYTDI: ABDUMAJID TOIROV YOSHLAR BILAN ISHLAYDI“ (2025-yil 28-aprel).
5. „Abdumajid Toirov“. national-football-teams.com. National Football Teams. Qaraldi: 18-fevral 2019-yil.

Havolalar

• Abdumajid Toirov Worldfootball saytida futbolchi profili
• Abdumajid Toirov Footballfacts saytida futbolchi profili
• Abdumajid Toirov Milliy terma jamoalar saytida futbolchi profili
• Abdumajid Toirov Playmakerstats saytida futbolchi profili
• Abdumajid Toirov Fbref saytida futbolchi profili