Alibek Tursunov

Alibek Mamirjonovich Tursunov (1979-yil 1-avgust; Toshkent, OʻzSSR) – 2016–2018-yillarda Buvayda tumani hokimi, 2018–2021-yillarda Bagʻdod tumani hokimi lavozimlarida faoliyat yuritgan.

Alibek Tursunov
Alibek Mamirjonovich Tursunov
Buvayda tumani hokimi
Mansab davri 2016-yil – 2018-yil 8-fevralgacha
Prezident	Shavkat Mirziyoyev
Bosh vazir	Abdulla Aripov
Hokim	Shuhrat Gʻaniyev
Vorisi	Behzod Ibragimov
Bagʻdod tumani hokimi
Mansab davri 2019-yil – 2021-yil 7-fevralgacha
Prezident	Shavkat Mirziyoyev
Bosh vazir	Abdulla Aripov
Hokim	Shuhrat Gʻaniyev Xayrullo Bozorov
Vorisi	Vosiljon Nazarov
Shaxsiy maʼlumotlari
Tavalludi	1-avgust 1979-yil (1979-08-01) (46 yosh) Toshkent, OʻzSSR
Fuqaroligi	Oʻzbekiston
Millati	Oʻzbek
Siyosiy partiyasi	Oʻzbekiston Liberal demokratik partiyasi
Taʼlim	1995–1999-yillar Toshkent davlat agrar universiteti O‘zbekiston Respublikasi Prezidenti huzuridagi Davlat va jamiyat qurilishi akademiyasi (2010)

Hayoti

Alibek Mamirjonovich Tursunov 1979-yilning 1-avgustida Toshkent shahrida tavallud topgan. 1995–1999-yillarda Toshkent davlat agrar universitetida va 2010-yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasida tahsil olgan.

Faoliyati

Dastlabki ish faoliyatini 1999–2001-yillarda Bagʻdod tumani shirkat xoʻjaligi agronomi sifatida; 2001–2006-yillarda Fargʻona viloyati "Gʻoʻza urugʻchiligi" birlashmasi yetakchi mutaxassisi, shu yerning bosh mutaxassisi, birlashma raisi oʻrinbosari va 2006–2011-yillarda esa birlashmasi raisi sifatida; 2011–2012-yillarda Fargʻona viloyati hokimining qishloq va suv xoʻjaligi masalalari boʻyicha birinchi oʻrinbosari kotibiyati mudiri sifatida; 2012–2013-yillarda Fargʻona viloyati qishloq va suv xoʻjaligi boshqarmasi boshligʻining agrotexnologiya masalalari boʻyicha birinchi oʻrinbosari sifatida; 2013-yilda Fargʻona viloyati qishloq va suv xoʻjaligi boshqarmasi boshligʻi sifatida; 2013–2016-yillarda Fargʻona viloyati tarkibiga kiruvchi Oʻzbekiston tumani hokimining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha birinchi oʻrinbosari sifatida; 2016–2018-yillarda Fargʻona viloyati tarkibiga kiruvchi Buvayda tumani hokimi sifatida; 2018-yilda Fargʻona viloyati hokimining qishloq va suv xoʻjaligi masalalari boʻyicha oʻrinbosari va Fargʻona viloyati fermer, dehqon xoʻjaliklari va tomorqa yer egalari Kengashi raisi sifatida; 2018–2019-yillarda Bagʻdod tumani hokimi vazifasini bajaruvchi sifatida; 2019–2021-yillarda Fargʻona viloyati tarkibiga kiruvchi Bagʻdod tumani hokimi sifatida oʻz faoliyatini olib borgan.

2021-yildan esa Fargʻona viloyati hokimining qishloq va suv xoʻjaligi masalalari boʻyicha oʻrinbosari lavozimi faoliyat yuritib kelmoqda.

Manbalar

1. Fargʻona viloyati hokimligi rasmiy veb sayti. „Фарғона вилояти ҳокимининг қишлоқ ва сув хўжалиги масалалари бўйича ўринбосари“. Qaraldi: 30-may 2024-yil.
2. Kun.uz. „Farg‘ona viloyatida 3ta tuman hokimi o‘zgardi“ (8-fevral 2018-yil). Qaraldi: 30-may 2024-yil.
3. „Фарғона вилоятида яна иккита туман ҳокими алмашди“ (8-fevral 2018-yil). Qaraldi: 30-may 2024-yil.
4. Kun.uz. „Farg‘ona viloyatida bir kunda to‘rt tumanda rahbarlar o‘zgardi“ (7-fevral 2021-yil). Qaraldi: 30-may 2024-yil.
5. „Фарғонада яна икки ҳоким алмашди“ (6-fevral 2021-yil). Qaraldi: 30-may 2024-yil.
6. Kun.uz. „Farg‘ona viloyati hokimiga yangi o‘rinbosar tayinlandi“ (6-fevral 2021-yil). Qaraldi: 30-may 2024-yil.
7. Oʻzbekiston Milliy axborot agentligi. „Фарғона вилояти ҳокимининг ўринбосари ўзгарди“ (8-fevral 2021-yil). Qaraldi: 30-may 2024-yil.