Almazbek Atambayev

Almazbek Sharshenovich Atambayev — 2011-2017 yillarda Qirgʻiziston Prezidenti.

Atambayev Almazbek Sharshenovich Атамбаев Алмазбек Шаршенович
Qirgʻiziston Prezidenti
Mansab davri 2011-yil – 2017-yilgacha
Oʻtmishdoshi	Roza Otunbayeva
Vorisi	Soʻronboy Jeenbekov
Shaxsiy maʼlumotlari
Tavalludi	17-sentyabr 1956-yil (1956-09-17) (69 yosh) Arashan, Olamudin tumani, Chuy viloyati, Qirgʻiziston
Mukofotlari

Biografiyasi

• 1956-yilning 17-sentabrida Qirgʻiziston Respublikasi Chuy viloyati Olamudin tumani Arashan qishlogʻida tugʻilgan.
• 1980-yilda Moskva boshqaruv institutini tamomlagan..
• Mehnat faoliyatini Qirgʻiziston SSR aloqa vazirligi korxonalarida muhandis, yetakchi iqtisodchi sifatida boshlagan.
• 1981-yilda 4-yoʻl foydalanish boshqarmasi bosh muhandisi lavozimiga oʻtkazildi.
• 1983-yildan beri Sovet ishlarida: Qirgʻiz SSR Oliy Kengashining Rayosatida katta referent.
• 1983-yildan beri SSSR yozuvchilar uyushmasining aʼzosi boʻlgan.
• 1987-yildan 1989-yilgacha — Frunze Pervomayskiy tuman ijroiya qoʻmitasi raisining oʻrinbosari.
• 1989-yilda u barcha lavozimlarni tark etdi va tadbirkorlik faoliyatini boshladi. Avval 1997-yilgacha „Forum“ ilmiy-ishlab chiqarish firmasi direktori, soʻngra 1997-yildan 1999-yilgacha „Qirgʻizavtomash“ AJ Bosh direktori lavozimida ishlagan. 1999-2004-yillarda „Forum“ sanoat guruhi direktorlar kengashi raisi lavozimida ishladi.
• 1995-yildan 2000-yilgacha 2-chaqiriq Jogorku Kenesh Xalq vakillari Kengashi deputati. U oʻz hududida 3-chi chaqiriq Jogorku Keneshi deputatligiga nomzod sifatida qayta nomzod qilib koʻrsatildi. 2000-yilda Qirgʻiziston Respublikasi Prezidentligiga saylovda uchinchi oʻrinni egalladi.
• 2005-2006 — Qirgʻiziston Respublikasi sanoat, savdo va turizm vaziri. Lola inqilobidan soʻng, 2007-yil 30 martdan 28 noyabrgacha — respublika bosh vaziri.
• 7-aprel 2010-yilda Aprel inqilobidan soʻng vaqtinchalik hukumat boshligʻining iqtisodiyot boʻyicha oʻrinbosari. 2010-yil 13 iyulda isteʼfoga chiqdi.
• 2010-yil 17-dekabr kuni Qirgʻiziston Respublikasining yangi Konstitutsiyasi boʻyicha birinchi bosh vazir etib saylandi.
• Respublika prezidenti lavozimiga uch marta nomzod qilib koʻrsatildi. Uchinchi marta, 2011-yil 30-oktyabrda — birinchi turda Qirgʻiziston prezidenti etib saylandi. 2011-yil 1-dekabrda lavozimga kirishgan.
• 2019-yil 8-avgust kuni korrupsiyada ayblanib qoʻlga olindi.
• 2020-yilning 23-iyun kuni Bishkek shahri Pervomayskiy tuman sudining qarori bilan, Almazbek Atambayev oʻn bir yil va ikki oy muddatga ozodlikdan mahrum etildi, shuningdek, barcha davlat mukofotlari va mol-mulklaridan mahrum etildi. Parlament saylovlaridan keyingi ommaviy tartibsizliklarda, sobiq bosh vazir Sapar Isoqov bilan birga6-oktabr kuni qamoqdan chiqib ketishga erishgan
• Atambaev gitarada qoʻshiqlar ijro etgan, yozishni yaxshi koʻradi.
• Qirgʻiziston sobiq prezidenti Asqar Akayevning 2014-yil 21-fevralda „7-kanal“ning "achiq soz" (ochiq suhbat) dasturida bergan intervyusida Atambayev "1990-yillarda yozuvchilar uyushmasiga rahbarlik qilgan paytida, Rossiya tomonidan berilgan 50 million rubl grantini oʻzlashtirganini" aytgan.

Manbalar

1. Atambayev haqida^(qirgʻ.)
2. „"First lady of Kyrgyzstan", Radio Free Europe“. Qaraldi: 1-may 2013-yil.
3. „Атамбоевга коррупция бўйича айблов эълон қилинди“. Kun.uz.
4. https://m.kun.uz/news/2020/10/06/qirgizistonning-sobiq-bosh-vaziri-sapar-isakov-ham-ozodlikka-chiqarildi
5. https://m.kun.uz/news/2020/10/06/qirgizistonda-namoyishchilar-almazbek-atambayevni-ozodlikka-chiqarishdi