Amangilich Kochumov

Amangilich Kochumov
Amangylyç Koçumow

Kochumov Eron bilan oʻyin oldidan matbuot anjumanida.
Shaxsiy maʼlumot
Toʻliq ismi	Amangilich Ovezovich Kochumov
Tavallud sanasi	24-iyul 1965-yil (1965-07-24) (60 yosh)
Tavallud joyi	Ashxobod, Turkmaniston SSR
Ampluasi	Yarim himoyachi
Professional faoliyati*
Yillar	Jamoa	Isht.	(Gol.)
1988—1989	Kopetdag	34	(2)
1989—1991	Ahal	77	(14)
1991	Nebitchi	10	(7)
1992	Ahal	?	(?)
1993	Buzmeyin	?	(?)
1995	Turan	?	(?)
1998—1999	Kopetdag	?	(?)
Boshqargan klublari
2000	Ahal
2000	FC Galkan
2001—2011	Turkmaniston U-16
2005	Turkmaniston
2008—2015	Ashxobod
2011—2016	Turkmaniston U-23
2015—2016	Turkmaniston
2016—2019	Ashxobod
2019	Ahal
2020—	Nebitchi
*Professional klublardagi gollari (ichki chempionat)

Amangilich Kochumov (turkmancha: Amangylyç Öwezowiç Koçumow; 1965-yil 24-iyulda tugʻilgan) – turkmanistonlik futbol murabbiyi va sobiq sovet futbolchisi. Futbolchilik faoliyati davomida yarim himoyachi pozitsiyasida oʻynagan. 2020-yildan „Nebitchi“ klubining hozirgi bosh murabbiyi.

1988—1989-yillarda Kopetdag jamoasida oʻynagan. 1989—1991-yillarda „Ahal“ klubida oʻynagan.

1992-yilda mustaqil Turkmaniston chempionatining 1-turida Sport Buzmeyin klubi darvozasiga 5 ta gol urgan. Keyinchalik qolgan 20 tur davomida yana 22 ta gol muallifi boʻlgan. 1993-yilgi mavsumda „Buzmeyin“ klubida oʻynagan.

1994—1999-yillarda u „Turan“ (jamoa sardori edi), „Eskawatorşik“, „Merv“, „Kopetdag“ klublarida oʻynagan.

Amangilich murabbiylik faoliyati 1999-yil oxirida Ahal klubida boshlangan. 2000-yilda Turkmaniston Ichki ishlar vazirligining Galkan FK jamoasini boshqarib, jamoani Yokari ligaga olib chiqqan. 2001-yildan Turkmaniston olimpiya zaxiralari futbol maktabi katta murabbiyi va oʻsmirlar terma jamoasi bosh murabbiyi lavozimida ishlagan.

2002-yilda Moskvada boʻlib oʻtgan MDH va Boltiqboʻyi davlatlarining Xalqaro oʻsmirlar oʻyinlarida Kochumov murabbiyligidagi Turkmaniston oʻsmirlar terma jamoasi kuchli sakkizlikka kirgan. Bu muvaffaqiyat ortida Turkmanistonda xizmat koʻrsatgan murabbiy unvoni berilgan.

2005-yilda Turkmaniston futbol terma jamoasi bosh murabbiyi vazifasini bajaruvchi boʻlgan. Jamoa bilan faqat bitta oʻyin oʻtkazgan, unda Turkmaniston terma jamoasi Bahraynga (0:5) magʻlub boʻlgan.

2008-yildan 2015-yilgacha „Ashxobod“ klubida bosh murabbiylik qilgan.

2011-yilda Turkmaniston olimpiya terma jamoasiga bosh murabbiy etib tayinlangan. 2015-yilda Turkmaniston terma jamoasini 2018-yilgi Jahon chempionati saralash turnirida ishtirok etishga tayyorlash uchun bosh murabbiy etib tayinlangan. Amangilich bu davrda Turkmaniston U23 va Turkmaniston terma jamoalarida bosh murabbiylik qilgan. Turkmaniston terma jamoasi saralash oʻyinlari „D“ guruhida 3-oʻrinni egallagan va bu natija jamoaga JCh—2018 saralash oʻyinlarining keyingi bosqichiga chiqish imkoniyatini qoldirmagan. Shunga qaramay jamoa 2019-yilgi Osiyo Kubogi yoʻllanmasi uchun kurashish imkoniyatini saqlab qolgan.

2019-yil iyul oyida „Ashxobod“ klubi bosh murabbiyligidan ozod etilgan. 2019-yil sentyabr oyida „Ahal“ klubiga bosh murabbiy etib tayinlangan. Kochumov 2020-yilning avgust oyidan beri Nebitchi jamoasini boshqarmoqda.

Amangilichning otasi Ovez Kochumov ham futbol sohasida faoliyat olib borgan, Ovez Kochumov butunittifoq toifali hakam, Turkmanistonning xizmat koʻrsatgan murabbiyi va Turkmaniston futbol federatsiyasining faxriy raisi boʻlgan.

Ahal FK

• Turkmaniston chempionatining bronza medali sovrindori: 1992-yil

Buzmeyn FK

• Turkmaniston chempionatining bronza medali sovrindori: 1993-yil

Turan Daszoguz

• Turkmaniston kubogi sohibi: 1995-yil
• Turkmaniston kubogi finalchisi: 1994-yil

Kopetdog Ashxobod

• Turkmaniston ikkinchi oʻrin sohibi: 1998/99

Galkan

• Turkmaniston Oliy ligasiga chiqish: 2000-yil

Ashxobod

• Turkmaniston chempionatining bronza medali sovrindori: 2011-yil
• Turkmaniston kubogi finalchisi: 2011-yil

• Turkmaniston sport ustasi unvoni
• Turkmanistonda xizmat koʻrsatgan murabbiy unvoni: 2002-yil

• Amangilich Kochumov Global sport arxivida
• Amangilich Kochumov Footballfakts saytida
• Amangilich Kochumov Transfermakrt saytida