Anna Yanovskaya

Anna Yanovskaya
Yanovskaya/Lukács juftligi, 2018
Shaxsiy maʼlumotlari
Asl ismi	Анна Святославовна Яновская
Toʻliq ismi	Anna Svyatoslavovna Yanovskaya
Ikkinchi ismi	Anna Yanovskaya
Davlat	Hungary
Oldin vakil boʻlgan	Russia
Tavalludi	23-noyabr 1996-yil (1996-11-23) (29 yosh) Dubay
Ona shahri	Moskva, Rossiya
Boʻyi	1.71 m (5 ft 7 1⁄2 in)
Sherigi	Ádám Lukács
Oldingi sheriklari	Ivan Guryanov, Sergey Mozgov
Murabbiyi	Irina Juk
Jamoasi	Blue Bird FSC
Mashgʻulot oʻtkazadigan joyi	Moskva
Uchishni boshlagan	2000
Shaxsiy rekordlari
Raqs (umumiy natija)	161.40
Qisqa raqs	64.32
Erkin raqs	97.08

Anna Svyatoslavovna Yanovskaya (ruscha: Анна Святославовна Яновская; 1996-yil 23-noyabrda tugʻilgan) - muz ustida raqs boʻyicha musobaqalarda qatnashgan rossiyalik figurali uchuvchi. Hozirda Ádám Lukács bilan Vengriya vakili sifatida musobaqalarda qatnashayotgan Anna uch karra Vengriya milliy chempioni (2018—2019, 2021) boʻlgan.

Anna konkida uchish boʻyicha sobiq sherigi Sergey Mozgov bilan birga 2015-yilda oʻsmirlar oʻrtasidagi jahon chempioni, ikki karra (2013, 2014) oʻsmirlar oʻrtasidagi Gran pri finali chempioni, 2012-yilgi oʻsmirlar oʻrtasida oʻtkazilgan Olimpiada chempioni, 2014-yilda oʻsmirlar oʻrtasidagi jahon chempionatining kumush medali sovrindori va 2015-yilda oʻsmirlar oʻrtasidagi Rossiya chempioni boʻlgan.

Yanovskaya toʻrt yoshidan konkida uchishni boshlagan. Figurali uchuvchilarni televizorda koʻrib konkida uchishga qiziqib qolgan. Faoliyatining boshida Anna Filipp Doljanskiy bilan juftlikda musobaqalarda qatnashgan. Anna 2008-yilda Yegor Kosheyev bilan juftlik hosil qilgan va 2010 — 2011-yilgi mavsum oxirigacha u bilan birga konkida uchgan.

Yanovskaya 2011-yilda Sergey Mozgov bilan juftlik hosil qilgan. Ularga asosan Svetlana Alekseyeva Moskvadagi „Medvedkovo“ muz maydonida murabbiylik qilgan.

Yanovskaya / Mozgov juftligi Polshaning Gdansk shahrida o‘tkazilgan o‘smirlar o‘rtasidagi birinchi Gran-pri musobaqasida bronza medalini, keyin esa Estoniyaning Tallin shahrida oʻtkazilgan turnirda oltin medalni qo‘lga kiritgan. Juftlikning bu natijasi ularga oʻsmirlar oʻrtasidagi Gran-pri finaliga yoʻllanma bergan. Juftlik finalning qisqa dasturida ikkinchi, erkin dastur boʻyicha esa uchinchi oʻrinni egallagan va Aleksandra Stepanova / Ivan Bukinjuftligini ortda qoldirib, kumush medalni qoʻlga kiritgan. Juftlik 2012-yilgi oʻsmirlar ortasidagi qishki Olimpiya oʻyinlarida oltin medalni qoʻlga kiritgach, 2012-yilgi oʻsmirlar oʻrtasidagi Rossiya chempionatida toʻrtinchi oʻrinni egallagan. 2012-yilgi oʻsmirlar oʻrtasidagi jahon chempionatida qatnashib, qisqa dastur boʻyicha uchinchi oʻrinni egallagan. Erkin dastur namoyishi paytida Mozgovning chap oyoq kiyimi boʻshashib qolgani sababli hakam musiqani toʻxtattirib qoʻygan. Yanovskaya / Mozgov juftligi erkin dasturda amerikalik Aleksandra Oldrij / Daniel Eatondan keyin to‘rtinchi o‘rinni egallagan, ammo umumiy natija bilan ulardan oʻzib ketib bronza medalini qo‘lga kiritgan.

GP: Gran pri; CS: Challanger seriyasi; JGP: oʻsmirlar oʻrtasidagi Gran-pri