Bahodir Jalolov

Bu maqola bokschi haqidadir. Rassom  — Bahodir Jalolov (rassom) bilan adashtirmang.

Vikipediyada shunday familiyali boshqa shaxslar haqida ham maqolalar mavjud, qarang: Jalolov.

Bahodir Isomiddin oʻgʻli Jalolov (1994-yil 8-iyulda tugʻilgan) – ogʻir vazn toifasida professional bokschi. Oʻzbekiston Respublikasi xalqaro toifadagi sport ustasi, ikki karra Olimpiya oʻyinlari chempioni (2020-yil, 2024-yil), ikki karra jahon chempioni (2019-yil, 2023-yil), jahon chempionatining bronza medali sovrindori (2015-yil), uch karra Osiyo chempioni (2017-yil, 2019-yil, 2021-yil). 2019-yilda „Oʻzbekiston iftixori“ unvoni bilan taqdirlangan.

Bahodir Jalolov
Statistikasi
Asl ismi	Bahodir Isomiddin oʻgʻli Jalolov
Vazn toifasi	Oʻta ogʻir vazn
Boʻyi	201 cm
Fuqaroligi	Oʻzbekiston
Tavalludi	8-iyul 1994-yil (1994-07-08) (31 yosh) Sariosiyo, Oʻzbekiston
Uslubi	Chapaqay bokschi
Medallari va yutuqlari Havaskor boks Oʻzbekiston vakili Olimpiada oʻyinlari Oltin Tokio-2020 Oʻta ogʻir vazn Oltin Parij-2024 Oʻta ogʻir vazn Jahon chempionati Oltin Yekaterinburg-2019 Oʻta ogʻir vazn Oltin Toshkent-2023 Oʻta ogʻir vazn Bronza Doha-2015 Oʻta ogʻir vazn Osiyo oʻyinlari Oltin Xanchjou-2017 Oʻta ogʻir vazn Osiyo chempionati Oltin Toshkent-2017 Oʻta ogʻir vazn Oltin Bangkok-2019 Oʻta ogʻir vazn Oltin Dubay-2021 Oʻta ogʻir vazn

Professionallar orasida ogʻir vazn toifasida NABF Junior boʻyicha oʻsmirlar oʻrtasida Shimoliy Amerika chempioni (2019-yildan hozirgacha). 2021-yil aprel oyi holatiga koʻra, BoxRec reytingidagi eng yaxshi pozitsiyani – 73-oʻrinni qayd etgan va ogʻir vazn toifasida oʻzbekistonlik bokschilar orasida 1-oʻrinda. 2019-yil sentyabr oyida asosiy xalqaro boks tashkilotlari reytinglariga koʻra, u WBC reytingida 40-oʻrinni egalladi va dunyoning eng yaxshi ogʻir vazn toifasidagi TOP-75 ga kirdi.

Boshlangʻich faoliyati

U boksni Chirchiq olimpiya zaxiralari kollejining 7-sinfida Rustam Saidov va Toʻlqin Qilichev bilan boshladi. 2009-yilda yoshlar oʻrtasidagi mamlakat chempionatining kumush medalini qoʻlga kiritdi.

2013-yilda Oʻzbekiston chempioni boʻldi va 2014 va 2015-yillarda u ushbu muvaffaqiyatini takrorladi.

2015-yilda Jahon chempionatining bronza medalini qoʻlga kiritdi.

2016-yilgi Olimpiya oʻyinlari

Ringda

2016-yil avgust oyida u Olimpiadada ishtirok etdi, ochilish marosimida Oʻzbekiston terma jamoasining bayroqdori boʻlgan. Olimpiadada u chorak finalga chiqdi: nimchorak finald u venesuelalik tajribali bokschi – Edgar Munozni nokautga uchratdi. Biroq chorak finalda hakamlar qarori bilan 0:3 hisobda britaniyalik Jozef Joysga yutqazdi.

2017-yil

2017-yil may oyida u Toshkentda 91 kg dan yuqori vazn toifasida Osiyo chempioni boʻldi va finalda qozogʻistonlik bokschi Kamshibek Kunkaboyevni magʻlub etdi.

2017-yil avgust oyida Gamburg (Germaniya)da boʻlib oʻtgan jahon chempionatida ishtirok etib, nimchorak finalda Jalolov tajribali Deyn Kem Yungkvistni 1-raundda nokaut qilib, gʻalaba qozondi. Biroq chorak finalda juda 2:3 hisob bilan qozogʻistonlik Kamshybek Konkaboevga yutqazdi.

2019-yil

2019-yil aprel oyida u Bangkokda (Tailand) 91 kg dan yuqori vazn toifasida qozogʻistonlik Kamshybek Kunkabayevni finalda magʻlub etib yana Osiyo chempioni boʻldi.

2019-yil sentyabr oyida u Yekaterinburgda (Rossiya) boʻlib oʻtgan jahon chempionatida, chorak finalda 20 yoshli amerikalik bokschi Richard Torrezni nokaut bilan yengib, yarim finalda rossiyalik tajribali Maksim Babaninni magʻlub etdi (5:0) va finalda qozogʻistonlik tajribali bokschi Kamshybek Konkabayev bilan jangga tushib, 5:0 hisobda jahon chempioni boʻldi.

2021-yil

2021-yil fevral oyida u Sofiyada (Bolgariya) boʻlib oʻtgan „Strandzha Cup“ xalqaro turnirining u 91 kg dan yuqori vazn toifasida ukrainalik Tsotne Rogavani magʻlub etib, gʻolib boʻldi.

2021-yil aprel oyida u „Sankt-Peterburg gubernatori kubogi“ xalqaro turnirining finalida tajribali rossiyalik Ivan Veryasovni magʻlub etib, gʻolibi boʻldi.

2021-yil may oyida u Dubayda (BAA) 91 kg dan yuqori vazn toifasida yana finalda qozogʻistonlik Kamshybek Kunkaboevni magʻlub etib Osiyo chempioni boʻldi.

2020-yilgi Olimpiya oʻyinlari

2020-yil mart oyida Amman shahrida (Iordaniya) u 1-oʻrinni egalladi va 2020-yilgi Yozgi Olimpiada oʻyinlariga Osiyo/Okeaniyadan saralash turniriga yoʻllanma oldi. 2021-yil iyul-avgust oylarida Tokioda boʻlib oʻtgan 2020-yilgi Olimpiada oʻyinlarining ochilish marosimida u ketma-ket ikkinchi marta Oʻzbekiston milliy terma jamoasining bayroqdori boʻldi. Olimpiada oʻyinlarida qatnashib, musobaqaning nimchorak finalida tajribali ozarbayjonlik Muhammad Abdullaevni 5:0 hisobida yengdi. Finalda amerikalik richard Torres bilan jang qildi. 3 raund davom etgan jangda raqibini yengib, oltin medalni qoʻlga kiritdi. Bu Oʻzbekiston delegasiyasining Tokio-2020 dagi 5-medali hisoblanadi. Olimpiada chempioni boʻlgan Bahodir Jalolovga Prezident sovgʻasi – „Chevrolet Tahoe“ avtomobili sovgʻa qilindi. Shuningdek, xonadon kaliti va 200 ming dollar miqdordagi pul mukofoti topshiriladi..

2024-yilgi Olimpiya oʻyinlari

Bahodir Jalolov 2024-yilgi Parijdagi Yozgi Olimpiada oʻyinlarining 1/16 finalida norvegiyalik Omar Shixani 5:0 hisobidamagʻlubiyatga uchratgan. Chorak finalda Junior Teremoanani 5:0 hisobida magʻlub etdi. Yarim finalda germaniyalik bokschi Nelvie Tiafak ustidan 5:0 hisobida gʻalaba qozonib, finalga yoʻllanmani qoʻlga kiritdi. Finalda ispaniyalik Ayub Gadfa bilan toʻqnashdi. Bahodir Jalolov 5:0 hisobida gʻalaba qozondi va oltin medalga sazovor boʻldi.

Professional faoliyati

2018-yil fevral oyida u Amerikaning Fight Promotions promouterlik kompaniyasi bilan shartnoma imzoladi. 2018-yil 5-may kuni AQShda magʻlub boʻlmagan meksikalik bokschi Ugo Truxiloni 3-raundda texnik nokaut bilan magʻlubiyatga uchratib (4-0-1), professional ringda muvaffaqiyatli debyut qildi.

2019-yil 10-aprelda Nyu-Yorkda (AQSh) oʻtkazilgan 6-jangida u amerikalik Brendan Barretni 1-raundda nokaut bilan magʻlub etdi (7-2-2) va oʻsmirlar oʻrtasida ogʻir vazn toifasidagi NABF Junior Shimoliy Amerika chempioni unvonini qoʻlga kiritdi.

2022-yil 11-iyunda Nyu-Yorkda (AQSh) ogʻir vazn toifasida harakat qilib kelayotgan Bahodir Jalolov (10−0, 10KO) belgiyalik bokschi Jek Mulovaiga (11−2-1, 7KO) 8-jangida nokaut bilan magʻlub etdi.

N	Natija	Rekord	Raqib	Turi	Raund, vaqt	Sana	Manzil	Eslatma
13	Gʻalaba	8–0	Onorede Ehwareme	KO	1 (8), 2:14	26-avgust 2023	Hard Rock Hotel & Casino, Tulsa, Oklahoma, AQSh
12	Gʻalaba	12-0	Curtis Harper	KO	4 (10), 1:53	26-noyabr 2022	Dignity Health Sports Park, Carson, Kaliforniya, AQSh
11	Gʻalaba	11-0	Jack Mulowayi	KO	8 (8), 1:20	10-iyun 2022	Turning Stone Resort & Casino, Verona, Nyu York, AQSh
10	Gʻalaba	10-0	Kamil Sokołowski	TKO	5 (8), 1:17	18-mart 2022	Aviation Club Tennis Centre, Dubay, BAA
9	Gʻalaba	9-0	Julio Cesar Calimeno	TKO	1 (6), 0:46	11-dekabr 2021	Coca-Cola Arena, Dubay, BAA
8	Gʻalaba	8-0	Kristaps Zutis	TKO	2 (6), 1:16	3-aprel 2021	Humo muz saroyi, Toshkent, O'zbekiston
7	Gʻalaba	7-0	Wilfredo Leal	RTD	1 (6), 3:00	12-dekabr 2020	Salon CTM, San Luis Rio Colorado, Meksika
6	Gʻalaba	6-0	Brendan Barrett	KO	1 (6), 2:45	10-aprel 2019	Sony Hall, Nyu York, AQSh	WBC-NABF o'smirlar og'ir vazn unvoni
5	Gʻalaba	5-0	Willie Harvey	TKO	2 (6), 1:11	15-mart 2019	Marconi Automotive Museum, Tustin, Kaliforniya, AQSh
4	Gʻalaba	4-0	Marquis Valentine	KO	1 (4), 2:29	8-dekabr 2018	Industry Hills Expo Center, La Puente, Kaliforniya, AQSh
3	Gʻalaba	3-0	Tyrell Wright	RTD	4 (6), 3:00	27-oktyabr 2018	Hulu Theater, Nyu York, AQSh
2	Gʻalaba	2-0	Eduardo Vitela	KO	1 (6), 0:47	29-sentyabr 2018	Kings Theatre, Nyu York, AQSh
1	Gʻalaba	1-0	Hugo Trujillo	TKO	3 (6), 1:14	5-may 2018	Foxwoods Resort Casino, Mashantucket, Konnectikut, AQSh

Unvon va mukofotlari

• 2019-yilda „Oʻzbekiston iftixori“ faxriy unvoni;
• 2021-yilda Yekaterinburgda boʻlib oʻtgan Jahon chempionatining „Eng yaxshi bokschisi“ deb eʼtirof etilgan;
• 2021-yilda „Fidokorona xizmatlari uchun“ ordeni;
• 2024-yilda El-yurt hurmati ordeni;
• 2024-yilda „Aʼlo xizmatlari uchun“ koʻkrak nishoni;
• 2024-yilda podpolkovnik harbiy unvoni berildi.

Manbalar

1. „Boxing JALOLOV Bakhodir – Tokyo 2020 Olympics“. web.archive.org. 2021-yil 23-iyulda asl nusxadan arxivlangan. Qaraldi: 2023-yil 15-may.
2. „Проспекты. Баходир Джалолов. Факты о боксёре“ (ru). Boxanalitika.ru (2 марта 2018). 2020-yil 19-fevralda asl nusxadan arxivlangan. Qaraldi: 2018-yil 18-aprel.
3. „ЧМ-2017 в Гамбурге: результаты всех поединков дневной сессии 28 августа“ (ru). vRINGe.com (28 августа 2017). Qaraldi: 2018-yil 5-dekabr.
4. „Четвертьфиналы ЧМ-2017 в Гамбурге: результаты поединков вечерней сессии 29 августа“ (ru). vRINGe.com (30 августа 2017). Qaraldi: 2018-yil 5-dekabr.
5. „ЧМ-2019 в Екатеринбурге: результаты всех поединков 1/4 финала“ (rus). vRINGe.com (18 сентября 2019). Qaraldi: 2019-yil 18-sentyabr.
6. „ЧМ-2019 в Екатеринбурге: результаты всех полуфиналов“ (rus). vRINGe.com (20 сентября 2019). Qaraldi: 2019-yil 22-sentyabr.
7. „ЧМ-2019 в Екатеринбурге: результаты всех финалов“ (rus). vRINGe.com (21 сентября 2019). Qaraldi: 2019-yil 22-sentyabr.
8. „Видео всех финальных поединков чемпионата мира по боксу 2019 в Екатеринбурге“ (rus). vRINGe.com (22 сентября 2019). Qaraldi: 2019-yil 22-sentyabr.
9. „Странджа-2021: все победители и призёры турнира в Болгарии“ (rus). vRINGe.com (28 февраля 2021). Qaraldi: 2021-yil 28-fevral.
10. „"Кубок Губернатора Санкт-Петербурга". Итоги“ (rus). Сайт Федерации бокса России (24 апреля 2021). Qaraldi: 2021-yil 28-aprel.
11. „Бокс на Олимпийских играх 2020. Баходир Джалолов победил Мухаммада Абдуллаева“ (rus). vRINGe.com (29 июля 2021). Qaraldi: 2021-yil 30-iyul.
12. „Токио-2020. Баҳодир Жалолов олтин медални қўлга киритди“. Bugun.uz. 2021-yil 10-avgustda asl nusxadan arxivlangan. Qaraldi: 2021-yil 8-avgust.
13. „Баҳодир Жалоловга «Chevrolet Tahoe» совға қилинди — видео“. Bugun.uz. 2021-yil 10-avgustda asl nusxadan arxivlangan. Qaraldi: 2021-yil 9-avgust.
14. „Токио Олимпиадаси ғолибларига энг кўп мукофот пули тўлаган мамлакатлар эълон қилинди“. Bugun.uz. 2021-yil 10-avgustda asl nusxadan arxivlangan. Qaraldi: 2021-yil 10-avgust.
15. „Bahodir Jalolov - ikka karra Olimpiada chempioni“. kun.uz. Qaraldi: 10-avgust 2024-yil.
16. „Узбекистанский супертяжеловес–нокаутёр Баходир Джалолов перешёл в профи“ (rus). vRINGe.com (5 февраля 2018). Qaraldi: 2018-yil 27-fevral.
17. „Баходир Жалолов: Это только начало, в планах принять участие в Олимпиаде-2020 и завоевать золотую медаль“ (rus). Сайт «Олимпийского комитета Узбекистана» (6 мая 2018). 2020-yil 27-yanvarda asl nusxadan arxivlangan. Qaraldi: 2018-yil 6-may. (Wayback Machine saytida 2020-01-27 sanasida arxivlangan)
18. https://www.gazeta.uz/uz/2022/06/11/boxing/
19. „Jalolov Bahodir Isomiddin o‘g‘li“. milliygvardiya.uz. Qaraldi: 3-avgust 2024-yil.
20. „Bahodir Jalolov “Yilning eng yaxshi erkak sportchisi” deb topildi“. qalampir.uz. Qaraldi: 3-avgust 2024-yil.
21. „Prezident Olimpiadada ishtirok etgan sportchilar va murabbiylarni mukofotladi“. gazeta.uz. Qaraldi: 31-iyul 2024-yil.
22. „Бир қатор спортчилар унвон ва орденлар билан тақдирланди“.
23. „Диёра Келдиёровадан Улуғбек Рашитовгача: Олимпия ўйинларида иштирок этган бир гуруҳ спортчи ва мураббийлар мукофотланди“. Daryo.uz.
24. „Bahodir Jalolov va Hasanboy Do‘smatovga muddatidan oldin podpolkovnik unvonlari berildi“. kun.uz. Qaraldi: 29-avgust 2024-yil.