Dilnoza Kubayeva

Dilnoza Oqilbekovna Kubayeva (1986-yil 22-noyabrda tugʻilgan) — oʻzbek aktrisasi va qoʻshiqchisi. Kubayeva zamonaviy oʻzbek kinolarida rol oʻynab shuhrat qozondi. Kubayeva Kelgindi kelin, Telba Kechikkan hayot, Farzandim, Hijron va Koʻrgim keladi filmlarida oʻynagan rollari bilan koʻpchilikning eʼtiboriga tushdi. 2008-yildan 2010-yilgacha oilaviy muammolar sabab Kubayeva aktrisalikni toʻxtatdi. 2011-yil yana kinoga qaytdi. O'zbekistonda xizmat ko'rsatgan artist.

Dilnoza Kubayeva
Tavalludi	Dilnoza Kubayeva Oqilbekovna 22-noyabr 1986-yil (1986-11-22) (38 yosh) Toshkent, Oʻzbekiston
Fuqaroligi	Oʻzbekiston
Kasbi	aktrisa
Faoliyat yillari	2004 — hozirgi vaqtgacha
Mukofotlari	„M&TVA“ (2007, 2008) „Oʻzbekiston belgisi“ (2010) „Eng ulugʻ, eng aziz“ (2010) „Shuhrat medali“ (2012)

Biografiyasi

Dilnoza Kubayeva Oqilbekovna 1986-yil 22-noyabrda Toshkent shahrida ziyoli oilada dunyoga kelgan. 1993-1996-yillarda u Toshkent shahar Yashnabod tumanidagi 255-oʻrta maktabning, 1996-2000-yillari Sirgʻali tumanidagi 3-oʻrta maktabning, 2000-2003-yillarda Alisher Navoiy Nomidagi Respublika „Nafis sanʼat“ lisseyining oʻquvchisi boʻlgan. 2003-2007-yillari Mannon Uygʻur nomidagi Toshkent davlat sanʼat institutining (dramatik teatr va kino aktyorligi sanʼati boʻlimi) talabasi. Bakalavr darajasi berilgan. 2007-yildan Oʻzbek milliy akademik drama teatrida aktyorlik vazifasida ishlab keladi. 2010-yil „Ozbekiston belgisi“ koʻkrak nishoni, shu yilning oʻzida „Eng ulugʻ, eng aziz“ Respublika koʻrik tanlovida 2-oʻrin bilan, 2012-yil „Shuhrat“ medali" va 2021-yil „Oʻzbekiston Respublikasi mustaqilligining 30 yilligi“ kabi mukofotlar va estalik nishonlari bilan taqdirlandi. 2009-yili turmush oʻrtogʻi vafot etgan. Farzandi — Ahmadaliyev Muhammadamin 2009-yil 28-martda Toshkent shahrida tugʻilgan. Dilnoza Kubayeva nufuzli davlat tadbirlarida, taqdirlash marosimlari, madaniy-maʼrifiy kechalar hamda taniqli xonandalarning konsert dasturlarida davrani olib boruvchi sifatida ham faol ishtirok etib keladi.

Faoliyati

Teatrdagi debyut roli 2004-yilda sahna yuzini koʻrgan „Andishali kelinchak“ spektakli boʻlsa, kinodagi debyuti 2005-yilda katta ekranlarda namoyish etilgan Taqdir charxpalagi filmidir.

Filmografiyasi

Filmlar

Yil	Film	Rol	Izoh
2005	Taqdir charxpalagi	Laylo
	Kelgindi kuyov	Rayhonning yoshligi	Epizod
2006	Kelgindi kelin	Charos
2007	Advokatlar	Oydin
	Zumrad va Qimmat	Qimmat
	Jazo	Zilola
2008	Telba	Robiya
	Sehrli uzuk	Farangiz	ovoz bergan Farangizga (Kaniza)
	Kichkina odamlar	Zarifa
	Afyun girdobi
2010	Hijron	Mahfuza
	Oʻgʻrigina kelin	Sayyora
	Yuzma-yuz	Feruza
	Kechikkan hayot	Shahodat
2011	Er bermoq — jon bermoq	Durdona
	Kelganda kelin 2: Anjancha muhabbat	Goʻyo
	Farzandim	Nasiba
2012	Baxt uyi	Malika
2013	Farzandim 2	Nasiba
	Sensiz	Malika
2014	Koʻrgim keladi	Ziyoda Aliyeva
2016	Baron	Izzatning ayoli
	Er bermoq — jon bermoq 2	Durdona
	Baron 2: Sogʻinch	Izzatning ayoli
	Aldangan farishtalar	Jurnalist qiz
	Isnod	Jamila
2018	Vasiyat	Fotima
	Merosxoʻr	Ona
2019	Said bilan Saida	Mayor ayol
	Yolgʻiz boʻri	Zamira
2020	Oʻzbekcha ajrashish	Mahalla raisi

Teleseriallar

Yil	Serial	Rol
2005	Qadah	Mohinur
2008	Kaminaning oilasi	Bahora
2008	Muhabbatim-qismatim	Malika
2010	Mehribonginam	Tabassumxon
2018	Omonat	Mastura
2020	Sevgi	Jamila

Kliplar

Qoʻshiq	Qoʻshiqchi
„Yomgʻir“	Shohjahon Joʻrayev
„Tut qoʻlimdan“	Yulduz Usmonova
„Dilozor“	Gulsanam Mamazoitova
„Sevgi“	Via Marokand
„Farishtam“	Shuhrat Zokirov

Spektakllar

Yil	Spektakl	Rol
2005	Andishali kelin	Kelin — Olmaxon
2006	Omonat dunyo	Zulayho
2007	Birqanotlilar	Nilufar
2008	Bevalar	Dildora
2010	Sizsiz oʻtmas kunlarim	Iroda
2010	Rustam	Qumri
2010	Ogoh boʻling, odamlar	Mavjuda
2011	Omon boʻlgin azizim	Mehmon ayol
2015	Oʻtkan kunlar	Kumushbibi
2014	Uyqusiz kecha	Shoira
2013	Senga bir gap aytaman	Jurnalist qiz
2015	Quyoshni sen uygʻotasan	Shabnam
2016	Alisher Navoiy	Guli
2016	Mirza Ulugʻbek	Firuza
2017	Oʻjarlar	Qorakoʻz
2017	Semurgʻ	Semurgʻ
2007	Hasrat bogʻi	Kotiba
2008	Uvaysiy	Poshaxon
2012	Mehr-u muhabbatli sakkiz ayol	Syuzon
2018	Abay	Hojar
2018	Keldi-yu ketti	Humora
2019	Oʻn ikki oy	Oʻgay qiz
2020	Boborahim Mashrab	Tamara

Manbalar

1. „Dilnoza Kubayeva ^(rus.)“. Uzbek-Kino. 2013-yil 13-yanvarda asl nusxadan arxivlangan. Qaraldi: 8-iyun, 2012. (Archive.is saytida 2013-01-13 sanasida arxivlangan)
2. „Ўзбекистон Республикаси мустақиллигининг ўттиз икки йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида“ (2023-yil 26-avgust). 2023-yil 26-avgustda asl nusxadan arxivlangan. Qaraldi: 2023-yil 26-avgust.

Havolalar

• Dilnoza Kubayeva IMDbda