Halima Ahmedova

Halima Ahmedova — shoira, O‘zbekiston yozuvchilar uyushmasi aʼzosi, koʻplab sheʼriy kitoblar muallifi.

Halima Ahmedova
Tavalludi	1-oktyabr 1960-yil (1960-10-01) (65 yosh) Poʻlot qishlogʻi, Qiziltepa tumani, Buxoro (hozirgi Navoiy viloyati, Oʻzbekiston
Fuqaroligi	UZB
Millati	Oʻzbek
Sohasi	shoira, publitsist, jurnalist
Mashhur ishlari	„Nigoh qiblasi“ „Yosuman gulining soyasi“ „Tashbeh“

Tarjimayi holi

Halima Ahmedova — 1960-yil 1-oktyabrda Buxoro viloyati (hozirgi Navoiy viloyati)ning Qiziltepa tumani Poʻloti qishlogʻida tugʻilgan. Maktabni tugatib, 1978–1983-yillarda Toshkent davlat universiteti (hozirgi O‘zMU)ning filologiya fakultetida, 1988–1991-yillarda Moskvadagi Oliy adabiyot kursida tahsil olgan.

Faoliyati

Mehnat faoliyatini dastlab oʻqituvchilikdan boshlab, Navoiy shahar pedagogika bilim yurtida dars bergan. Jurnalistikaga boʻlgan mehri uni „Do‘stlik bayrog‘i“ gazetasiga yetaklaydi. 1984–1985-yillarda gazeta tahririyatida, 1986–1988-yillari G‘afur G‘ulom nomidagi Adabiyot va sanʼat nashriyotida muharrir vazifasida faoliyat yuritgan.

1988–1990-yillari Moskvadagi Oliy adabiyot kursida tahsil olgan. 1990–1991-yillari O‘zbekiston Yozuvchilar uyushmasi qoshidagi adabiyot jamg‘armasida, 1994–1998-yillari „Tong yulduzi“ gazetasida ishlagan. 1998-yildan O‘zbekiston radiosida muharrir lavozimida faoliyatini davom ettirmoqda.

Ijodi

Shoiraning ilk kitobi 1986-yili „Koʻzimning tili“ nomi bilan chop etilgan. Keyinchalik quyidagi kitoblarni nashrdan chiqargan:

• 1987-yili „Tungi marvaridgullar“;
• 1996-yili „Erk darchasi“;
• 2005-yili „Tiyramoh“;
• 2007-yili „Afsun“;
• 2008-yili „Umid soyasi“;
• 2011-yili „Nigoh qiblasi“;
• 2012-yili „Shafaq ibodati“;
• 2013-yili „Yosuman gulining soyasi“;
• 2016-yili „Yashil“, „Tashbeh“ singari kitoblari nashr etilgan.

Mukofoti

Halima Ahmedova Londonda oʻtkazilgan „Markaziy Osiyo kitob forumi va adabiyoti festivali“ning „Adabiy asar“ nominatsiyasidagi mukofotiga sazovor boʻlgan.

Manbalar

1. Halima Ahmedova. Sheʼrlar & Eng katta ustozlarim — oʻqigan kitoblarim & Har bir inson koʻngli — moʻjiza & Umid soyasi
2. Ahmedova (1960) ^{[sayt ishlamaydi]}
3. Halima Ahmedova haqida batafsil ma'lumotlar

Havolalar

• Halima Ahmedova she'riyatida takror san'atning lingvopoetik xususiyatlari
• Halima Ahmedova
• Taniqli shoira Halima Ahmedova tavallud topgan kun (Wayback Machine saytida 2022-08-30 sanasida arxivlangan)

O‘zbekistonlik jurnalist ayollar