Munisa Rizayeva

Vikipediyada ismi Munisa va familiyasi Rizayeva boʻlgan boshqa kishilar haqida ham maqolalar mavjud.

Munisa Rizayeva (1986-yil 21-oktyabrda tugʻilgan) – oʻzbek qoʻshiqchisi va aktrisasi. „Koʻzlarim yana“, „Aha-oho“, „Hollywood“, „Sekin-asta“ va „Ey samo“ qoʻshiqlari ortidan shuhrat qozongan.

Munisa Rizayeva
2022-yilda
Umumiy maʼlumot
Tavalludi	21-oktyabr 1986-yil (1986-10-21) (38 yosh) Toshkent shahri, Oʻzbekiston
Kasbi	Qoʻshiqchi, aktrisa
Fuqaroligi	Oʻzbekiston
Turmush oʻrtogʻi	Arseniy Moroz
Bolalari	1
Mukofotlari	„Shuhrat“ medali (2021)

Hayoti

Munisa Rizayeva 1986-yil 21-oktyabrda Toshkent shahrida tugʻilgan. Bolaligidan musiqa va raqsga qiziqib kelgan. Onasi uni mashhur raqqosa, O‘zbekiston xalq artisti Malika Ahmedovaga shogirdlikka bergan. Otasi esa uning qoʻshiqchi boʻlishini xohlamagan, ammo u yana boshqa musiqa kurslariga ham borgan. Maktabda oʻqiyotgan vaqtida u oilasi bilan Londonga koʻchib oʻtgan. Keyinchalik esa London joylashgan Thames Valley universitetida musiqa sohasida oʻqigan. Keyin esa ikkinchi yoʻnalish sifatida Angliyaning boshqa bir nufuzli universitetida Mehmonxona biznesi va turizm yoʻnalishida ham taʼlim olgan. Uning Toshkent shahrida joylashgan mehmonxonasi bor.

2023-yil iyul oyida Munisa Rizaeva Belaruslik Arseniy Moroz bilan unashtirilgani haqida eʼlon qildi. Toʻy marosimi 2023-yil 7-sentabrda Toshkent shahrida boʻlib oʻtdi.

2024-yil 24-noyabrda u ilk bor onalik baxtini tuyib, oʻgʻil farzand dunyoga keltirgan.

Ijodiy faoliyati

2010-yilda Oʻzbekistonga qaytgan Munisa Rizaeva 2011-yildan boshlab sahnaga chiqishni boshladi. Uning birinchi muvaffaqiyatli taronasi „Ayrilma, yor“ boʻlib, keng auditoriya eʼtiborini tortdi. 2012-yilda ilk albomini taqdim etdi.

Rizaeva „Koʻzlarim yana“, „Aha-oho“, „Hollywood“, „Ey samo“, „Sekin-asta“ kabi qoʻshiqlari orqali Oʻzbekiston va qoʻshni davlatlarda mashhurlikka erishgan.

U bir nechta filmlarda ham rol oʻynagan. Jumladan, „Hay-hay qizaloq“ (2012) va „Salom Natasha“ (2014) kabi filmlarda bosh rollarda namoyon boʻlgan.

Manbalar

1. „Ilk mashinasi — “Jiguli”, 5 ta tilni biladi, ikki marta to‘yi buzilgan, prokurorning nevarasi Munisa Rizayeva 35 yoshda (foto)“ (oʻzbekcha). Daryo.uz (21-oktabr 2021-yil). Qaraldi: 13-dekabr 2022-yil.
2. „Hafta artisti: Munisa Rizayeva“. www.afisha.uz. Qaraldi: 22-iyul 2024-yil.
3. „Mehmonxona va tur firma. Munisa Rizayeva yangi bizneslari haqida“. uz.telegram-store.com. Qaraldi: 22-iyul 2024-yil.
4. „Munisa Rizayeva belaruslik yigitga turmushga chiqyapti“ (2023-yil 3-iyul).
5. „Xonanda Munisa Rizayeva ilk marta ona bo‘ldi“ (2024-yil 24-noyabr).
6. https://music.apple.com/us/artist/munisa-rizayeva/1007353389?l=ru