Namangan trolleybusi

Namangan trolleybusi 1973-yilda tashkil etilgan va 2010-yilda faoliyati tugatilgan Namangan shahrining yopiq trolleybus tizimidir.

Namangan trolleybusi
Trolleybus tizimi
Mamlakat	Oʻzbekiston
Shahar	Namangan
Ochilgan yili	1973-yil 4-aprel
Yopilgan yili	2010-yil 4-yanvar
Yoʻnalish soni	5 ta
Kontakt tarmogʻining uzunligi	14 km
Trolleybus parki soni	1
Trolleybus modellari	ZiU-9

Tarixi

Namanganda ilk trolleybus yoʻnalishi 1973-yil 4-aprelda ochilgan. Keyingi yillarda trolleybus tarmogʻi kengaydi. Oxirgi yillarda shaharda 1999-yil aprel oyida foydalanishga topshirilgan va atigi 14 km uzunlikdagi bitta trolleybus liniyasi faoliyat olib bordi. Bu trolleybus Namangan (temir yoʻl vokzali) – Toʻraqoʻrgʻon shahri yoʻnalishida qatnagan. 2004-yilda kontakt tarmogʻi temir yoʻl vokzali oxiridan boshlab liniyada almashtirildi. U Zichiskaya ko‘chasidan Taxtako‘prikning oxirigacha o‘tdi, lekin trolleybuslar chiziqdan chiqmadi.

Oxir-oqibat, 2010-yil 4-yanvarda yagona faol trolleybus liniyasi yopildi. Trolleybus liniyasi yopilgan vaqtda yo‘l haqi 200 so‘m edi. Namangandagi oxirgi trolleybus yoʻnalishi yopilishi munosabati bilan uning oʻrnini 17-sonli „Oxangar—Sardoba“ yoʻnalishidagi avtobuslar qatnovi yoʻlga qoʻyildi, buning uchun shaharga keltirilgan ISUZU rusumli 200 dona avtobusdan 16 tasi ajratildi.

Yoʻnalishlari

Shaharda beshta trolleybus yoʻnalishi trolleybuslar harakatlangan:

• 1-yoʻnalish: Markaziy bozor – 1-mitti tuman;
• 2-yoʻnalish: Ittifoq – Shimoliy Fargʻona kanali;
• 3-yoʻnalish: Markaziy bozor (aylanma yoʻnalish);
• 4-yoʻnalish: Markaziy bozor (aylanma yoʻnalish);
• 5-yoʻnalish: Taxtako‘prik – Gʻirvonsoy.

Yuqorida aytib oʻtilgan yoʻnalishlar tugatilgandan soʻng, shaharda faqat bitta yoʻnalish (shaharlararo) qoldi:

• 1-yoʻnalish: Namangan (Temir yo‘l vokzali) – To‘raqo‘rg‘on (“Oxangar-TTT” zavodi)

2004-yilda yana bir liniya ishga tushirilishi rejalashtirilgan edi: Temir yoʻl vokzali – Taxtakoʻprik mavzesi.

Trolleybuslar turi va tavsifi

Krasnodar shahrida harakatlangan ZiU-9 modelidagi trolleybuslar

Namangan trolleybus yo‘nalishlariga shaharlararo yoʻlovchi tashishga moʻljallangan katta sigʻimli ZiU-9 modelidagi sovet trolleybuslari xizmat ko‘rsatgan.

ZiU-9 prototipi 1966-yilda ishlab chiqilgan boʻlib, u baland qavatli, uch eshikli boʻlgan. Old tomonda tor eshik, oʻrta va oxirida ikkita keng eshik boʻlgan. Qavat-qavatli eshiklarni ochish-yopish uchun dastlab elektroprivod, 1990-yillardan boshlab esa pnevnoprivod qoʻllangan.

Manbalar

1. „Троллейбусы в Намангане История линия и Табор“. ruwiki.press. 2022-yil 5-martda asl nusxadan arxivlangan. Qaraldi: 2022-yil 5-mart.
2. „Узбекистан, апрель 2008 (+)“. forum.tr.ru. 2022-yil 5-martda asl nusxadan arxivlangan. Qaraldi: 2023-yil 8-iyun.
3. „Троллейбусы остановлены в двух регионах“. Gazeta.uz (2010-yil 4-yanvar). Qaraldi: 8-iyun 2023-yil.
4. „Москва, троллейбус № 5000“ (ru). Городской электротранспорт. 2022-yil 23-sentyabrda asl nusxadan arxivlangan. Qaraldi: 2023-yil 8-iyun.
5. „Дверные механизмы троллейбусов“ (ru). ElTroll (2016-yil 1-sentyabr). 2022-yil 25-sentyabrda asl nusxadan arxivlangan. Qaraldi: 2023-yil 8-iyun.
6. „Троллейбус ЗиУ-682Б (ЗиУ-9Б)“ (ru). ElTroll (2016-yil 24-avgust). 2022-yil 27-sentyabrda asl nusxadan arxivlangan. Qaraldi: 2023-yil 8-iyun.

Havolalar

Namangan - shahar elektr transporti