Valeriy Loginov

Valeriy Aleksandrovich Loginov (1955-yil 13-dekabr yoki 1942-yilda tugʻilgan, Syzran, Kuybishev viloyati) — rossiyalik shaxmatchi, grossmeyster (1991), murabbiy.

Leningrad sellyuloza va qogʻoz sanoati texnologik institutini tamomlagan. 1978-yildan buyon SSSR sport ustasi sifatida faoliyat yuritadi.

Uch marta Oʻzbekiston SSR chempioni boʻlgan. Sankt-Peterburgda oʻtkazilgan koʻplab chempionatlarda qatnashgan, uch marta (2000, 2004 va 2005-yillarda) shahar chempioni boʻlgan. 1989-yildan xalqaro shaxmat ustasi, 1991-yilda grossmeyster unvonini olgan.

Oʻzbekiston terma jamoasi tarkibida ikki marta Butunjahon shaxmat olimpiadasida qatnashgan, 1992-yilda kumush medal sovrindori boʻlgan. Xodjayev xotirasiga bagʻishlab oʻtkazilgan oʻyinda 2-oʻrinni egallagan (1980, 1983). Xalqaro musobaqalarda: Berlin (1988) - 1-3-oʻrinlar; Stara-Zagora „B“ (1989) - 1-2-oʻrinlar; Budapesht (1991) - 1-oʻrin; Sankt-Peterburgning „Oq tunlar“ festivalida (1999) - 1-oʻrinni egallagan. Budapeshtdagi „First Saturday“ seriyasidagi turnirlarda bir necha bor gʻolib boʻlgan.

Sankt-Peterburgning SDYUSSHOR shaxmat maktabining katta murabbiyi lavozimida ishlaydi. Sankt-Peterburg shaxmat federatsiyasi murabbiylar kengashi raisining oʻrinbosari.

• Шахматы: энциклопедический словарь / гл. ред. А. Е. Карпов. — М.: Советская энциклопедия, 1990. — С. 609. — 621 с. — 100 000 экз. — ISBN 5-85270-005-3.