Abdulaziz Komilov

Abdulaziz Hafizovich Komilov (16-noyabr, 1947, Yangiyoʻl) — oʻzbekistonlik siyosatchi. 1994—2003-yillarda va 2012—2022-yillarda Oʻzbekiston Respublikasi tashqi ishlar vaziri.

Abdulaziz Hafizovich Komilov
Камилов Абдулазиз Хафизович
Oʻzbekiston Respublikasi Tashqi ishlar vaziri
Mansab davri 2012-yil 13-yanvar – 2022-yil 27-aprel
Hukumat boshligʻi	Shavkat Mirziyoyev Abdulla Oripov (siyosatchi)
Prezident	Islom Karimov Shavkat Mirziyoyev
Oʻtmishdoshi	Elyor Gʻaniyev
Vorisi	Vladimir Norov vazifasini bajaruvchi
Mansab davri 1994-yil 11-sentabr – 2003-yil 14-martgacha
Hukumat boshligʻi	Abdulhoshim Mutalov Oʻtkir Sultonov
Prezident	Islom Karimov
Oʻtmishdoshi	Saidmuxtor Saidqosimov
Vorisi	Sodiq Safoyev
Oʻzbekiston Respublikasi Prezidentining maslahatchisi
Mansab davri 2003-yil 14-mart – 11-sentyabrgacha
Hukumat boshligʻi	Oʻtkir Sultonov
Prezident	Islom Karimov
Oʻtmishdoshi	Saidmuxtor Saidqosimov
Vorisi	Sodiq Safoyev
Shaxsiy maʼlumotlari
Tavalludi	16-noyabr 1947-yil (1947-11-16) (77 yosh) Yangiyoʻl, Toshkent, Oʻzbek SSR
Bolalari	Doniyor Komilov
Mukofotlari

Tarjimai holi

1947-yil 16-noyabrda Toshkent viloyatining Yangiyoʻl shahrida tugʻilgan

Taʼlim

Oliy maʼlumotli, SSSR Tashqi ishlar vazirligining Diplomatik akademiyasini tamomlagan. 1978-1980 — SSSR FA Sharqshunoslik instituti aspiranti. Tarix fanlari nomzodi ilmiy darajasiga ega.

Mehnat faoliyati

1973—1976-yillarda SSSRning Livandagi elchixonasi attashesi, 1980—1984-yillarda SSSRning Suriyadagi elchixonasi 2-kotibi, 1984—1988-yillarda SSSR Tashqi ishlar vazirligi Yaqin Sharq boʻlimining xodimi, 1988—1991-yillarda SSSR FA Jahon iqtisodiyoti va xalqaro munosabatlar institutining katta ilmiy xodimi, 1991—1992-yillarda Oʻzbekiston Respublikasining Rossiyadagi elchixonasi maslahatchisi, 1992—1994-yillarda Oʻzbekiston Respublikasi Milliy xavfsizlik xizmati raisining oʻrinbosari, 1994-yilda qisqa muddat Oʻzbekiston Respublikasi Tashqi ishlar vazirining birinchi oʻrinbosari vazifalarida ishlagan. 1994—2003-yillarda Oʻzbekiston Respublikasi Tashqi ishlar vaziri, shu bilan birgalikda 1998—2003-yillarda Jahon iqtisodiyoti va diplomatiya universiteti rektori, 2003-yilda qisqa muddat Oʻzbekiston Respublikasi Prezidentining tashqi siyosiy masalalar boʻyicha maslahatchisi, 2003—2010-yillarda Oʻzbekiston Respublikasining AQShdagi Favqulodda va Muxtor elchisi, 2004—2010-yillarda Oʻzbekiston Respublikasining qarorgohi Vashingtonda joylashgan Kanadadagi Favqulodda va Muxtor elchisi, 2008—2010-yillarda Oʻzbekiston Respublikasining qarorgohi Vashingtonda joylashgan Braziliya Federativ Respublikasidagi Favqulodda va Muxtor elchisi kabi elchilik vazifalarida faoliyat olib borgan. 2010—2012-yillarda Oʻzbekiston Respublikasi Tashqi ishlar vazirining birinchi oʻrinbosari, 2012-yil 13-yanvardan 2022-yil 27-aprelgacha Oʻzbekiston Respublikasi Tashqi ishlar vaziri, 2022-yil 27-apreldan 16-iyungacha — Oʻzbekiston Respublikasi prezidenti huzuridagi xavfsizlik kengashi kotibining tashqi siyosat va xavfsizlik masalalari boʻyicha oʻrinbosari, 2022-yil 16-iyundan — Oʻzbekiston prezidentining tashqi siyosat masalalari boʻyicha maxsus vakili lavozimiga tayinlandi. Favqulodda va Muxtor elchi diplomatik martabasiga ega. Arab va ingliz tillarini biladi.

Mukofotlari

Fidokorona xizmatlari uchun ordeni.

Mehnat shuhrati ordeni.

Doʻstlik ordeni.

2-darajali Ismoili Somoniy ordeni.

Uygʻonish ordeni.

Oʻzbekiston belgisi nishoni.

O‘zbekiston mustaqilligiga 20 yil nishoni.

Oilasi

Komilov Sharof Rashidovning qizi Gulnora Rashidovaga uylangan. Oʻgli — Doniyor Komilov, iqtisodchi va tadbirkor. „Metropol Group“ masʼuliyati cheklangan jamiyati egasi. Bu shirkat 2021-yil 17-iyunda Oʻzbekiston Respublikasi Davlat xavfsizlik xizmatining sobiq binosini sotib oldi.

Manbalar

1. „Oʻzbekiston Respublikasi Tashqi ishlar vazirligi tizimi“. Oʻzbekiston Respublikasi Tashqi ishlar vazirligi. 12-may 2019-yilda asl nusxadan arxivlangan. Qaraldi: 2016-yil 1-noyabr. (Wayback Machine saytida 12-may 2019-yil sanasida arxivlangan)
2. Abdulaziz Komilov tashqi ishlar vaziri lavozimidan ketdi
3. Abdulaziz Komilov prezidentning tashqi siyosat masalalari boʻyicha maxsus vakili lavozimiga tayinlandi
4. „arxiv nusxasi“. 2017-yil 18-noyabrda asl nusxadan arxivlangan. Qaraldi: 2017-yil 20-noyabr.
5. „Абдулазиз Камилов награжден орденом в честь 70-летия“. 26-fevral 2021-yilda asl nusxadan arxivlangan. Qaraldi: 17-may 2020-yil.
6. „Шавкат Мирзиёев Абдулазиз Комиловни мукофотлади“. 18-noyabr 2017-yilda asl nusxadan arxivlangan. Qaraldi: 20-noyabr 2017-yil.
7. Указ Президента Республики Узбекистан от 26 avgust 1996 года № УП-1548 «О награждении группы государственных служащих, работников производства и сферы обслуживания в связи с пятилетием независимости Республики Узбекистан
8. Ukaz Prezidenta Respubliki Uzbekistan ot 25-avgusta 2011 goda „O nagrajdenii v svyazi s dvadsatiletiem nezavisimosti Respubliki Uzbekistan gruppi gosudarstvennix slujaщix i rabotnikov proizvodstvennoy i sotsialno-ekonomicheskoy sfer“^{[sayt ishlamaydi]}
9. „Президент Таджикистана наградил Арипова и Камилова“. 3-avgust 2019-yilda asl nusxadan arxivlangan. Qaraldi: 3-avgust 2019-yil.
10. Ukaz Prezidenta Turkmenistana ot 26-avgusta 2022 goda "O nagrajdenii zamestitelya sekretarya Soveta bezopasnosti pri Prezidente Respubliki Uzbekistan, spesialnogo predstavitelya Prezidenta Respubliki Uzbekistan po vneshnepoliticheskim voprosam Kamilova Abdulaziza Xafizovicha ordenom Turkmenistana „Galkynyş“
11. https://www.famous-scientists.ru/list/12366
12. „Бывшее здание СГБ выкупила компания сына высокопоставленного чиновника“.