Muhammadqodir Abdullayev

Muhammadqodir Mamatqulovich Abdullayev (ruscha: Абдуллаев, Мухаммадкадыр Маматкулович; 1973-yil 15-noyabrda dunyoga kelgan) — Andijonlik bokschi, 63,5 kg vazn bilan Olimpiada va jahon chempioni boʻlgan. Oʻzbekiston chempioni (1993, 1996—1998), xalqaro toifadagi sport ustasi (1998). Andijon davlat universiteti talabasi (2000). Abdullayev bir necha xalqaro turnirlarning gʻolibi (1994-yil Turkiya, 1997-yil Eron, 1999-yil Fransiya). Markaziy Osiyo oʻyinlarida 1995-yil — 2 oʻrin, 1997-yil — 1-oʻrin, 13-Osiyo oʻyinlari (Tailand, 1998)da 1-oʻrin; Osiyoning 2 karra chempioni (1997, 1999). 1999-yil AQShning Xyuston shahrida oʻtkazilgan jahon chempionatining, 2000-yil Sidneyda oʻtkazilgan 27-yozgi Olimpiya oʻyinlarining oltin medali bilan taqdirlangan. Qirol kubogi (1998-yil Tailand) hamda Jahon kubogi (1998-yil Xitoy) musobaqalarida eng yaxshi bokschi deb tan olingan. „Shuhrat“ medali (1995), „El-yurt hurmati“ ordeni (1999) bilan mukofotlangan.

Muhammadqodir Abdullayev
Statistikasi
Asl ismi	Muhammadqodir Mamatqulovich Abdullayev
Laqabi	Rock
Vazni	Oʻrta vazn
Boʻyi	6 ft 2.5 in (1.89 m)
Millati	Oʻzbek
Tavalludi	15-noyabr 1973-yil (1973-11-15) (51 yosh) Andijon, Oʻzbekiston

Jang natijalari

1996-yilgi Atlanta Olimpiadasida O‘zbekiston vakili (yengil vazn toifasida) sifatida kurashib, Terrance Cauthenga (AQSh) 6-18 hisobida magʻlub boʻldi. 2000-yil Sidney Olimpiadasida Oʻzbekiston sharafini himoya qildi (yengil oʻrta vaznda) va oltin medalni qoʻlga kiritdi. 1993-yil Finlandiyaning Tampere shahrida boʻlib oʻtgan jahon chempionati ishtirokchisiga aylandi. Chempionatda Enrike Karrionga (Kuba) yutqazdi. 1997-yil Budapeshtda boʻlib oʻtgan jahon chempionati ishtirokchisi sifatida yengil vazn toifasida qatnashdi. Chempionatda Mett Zeganga (Polsha) 3-10 hisobida magʻlub boʻlgan.

1999-yil Xyustonda boʻlib oʻtgan jahon chempionatida yengil yarim oʻrta vazn toifasida ushtirok etib, oltin medali sohibiga aylandi. Oydin Gasanovni (Rossiya) 10:6 hisobida mag‘lub etdi, Rikardo Williamsni (AQSh) 11:4 hisobida yengdi.

1995-yil Toshkentda boʻlib oʻtgan Osiyo chempionligi yengil vazn toifasida kumush medal sohibiga aylandi. 1997-yil Malayziyaning Kuala-Lumpur shahrida oʻtkazilgan Osiyo chempionatining yengil vazn toifasida oltin medal sovrindori boʻldi. 1998-yil Xitoyning Chongqing shahrida boʻlib oʻtgan jahon chempionati oltin medali sohibi, 1998-yil Bangkokda boʻlib oʻtgan Osiyo oʻyinlari oltin medali sohibi boʻldi. 1999-yil Toshkentda boʻlib oʻtgan yengil toifadagi Osiyo chempionatining oltin medalini qoʻlga kiritdi.

Mukofotlari

1. „O‘zbekiston iftixori“.
2. O‘zbekiston Respublikasida xizmat ko‘rsatgan sportchi (2000)
3. „El-yurt xurmati“ ordeni
4. „Shuhrat“ medali

Boks natijalari

Jang	Sana	Raqib	Xakam	Jang joyi	Raundlar	Natija	Qoʻshimcha maʼlumotlar
1	26-noyabr 2005	Ukraina Andriy Kotelnik	Xaynrix Mexmert	Wilhelm-Dopatka-Halle, Leverkusen, Shimoliy Reyn-Vestfaliya, Germaniya	12	Magʻlubiyat	Glen Feldman 112—116 Xuan Manuel Garsiya 112—116 Jan-Fransis Tupin 112—117
2	11-iyun 2005	Migel Kotto	Djonni Kallas	Nyu-York,	12	Magʻlubiyat	TKO9
3	15-fevral 2005	Argentina Xuan Alberto Godoy	Yoaxim Yakobsen	Shtutgart, Baden-Vyurtemberg, Germaniya	12	Gʻalaba	KO3
4	10-aprel 2004	AQSh Jessi Felisiano	Kenni Beyless	Nevada AQSh	12	Gʻalaba	TKO8
5	17-fevral 2004	Venesuela Richard Reyna		Germaniya	10	Gʻalaba	DSK9
6	15-noyabr 2003	Ruminiya Maryan Leondraliu		Bavariya, Germaniya	6	Gʻalaba	TKO4
7	3-iyun 2003	Gaiti Emmanuel Klottey	Mayk Ortega	Uncasville, AQSh	10	Magʻlubiyat	KO10
8	4-aprel 2002	AQSh Xoel Salas	Toni Uiks	Nevada AQSh	10	Gʻalaba	DSK9
9	10-mart 2002	AQSh Hesus Abel Santiago	Robert Byord	Nevada AQSh	6	Gʻalaba	KO4
10	3-mart 2001	Meksika Migel Angel Ruis		Nevada AQSh	8	Gʻalaba	TKO5
11	21-sentabr 2001	Filippin Ray Pelonia		Toshkent, Oʻzbekiston	12	Gʻalaba	TKO2
12	1-iyun 2001	AQSh Daaniel Felix		Orlean, Las-Vegas, Nevada, AQSh	6	Gʻalaba	TKO5
13	27-aprel 2001	Meksika Louis Rouis		Caesars Tahoe, Sightline, Nevada, AQSh	4	Gʻalaba	TKO1
14	6-aprel 2001	AQSh Vashington		Texas Station kazino, Las-Vegas, Nevada, AQSh	4	Gʻalaba	40-36 40-36 40-36

Manbalar

1. OʻzME. Birinchi jild. Toshkent, 2000-yil
2. „Muhammad Abdullaev, Olympic Games Results“. Qaraldi: 2023-yil 6-iyun.
3. Июнь-2005: Триумф Мейуэзера, поражение Цзю и конец ТайсонаAndoza:Недоступная ссылка, Спорт-Экспресс.
4. Указ Президента Республики Узбекистан от 27 avgust 1998 года № УП-2074 «О награждении в связи с семилетием независимости Республики Узбекистан группы работников науки, здравоохранения, культуры, просветительства, средств массовой информации и социальной сферы
5. Указ Президента Республики Узбекистан от 25 avgust 2000 года № УП-2704 «О награждении в связи с девятой годовщиной независимости Республики Узбекистан группы работников науки, здравоохранения, культуры, просвещения, средств массовой информации и общественных сфер

Havolalar

• Muhammadqodir Abdullayev — Olimpiada statistikasi Sports-Reference.com saytida
• Muhammadqodir Abdullayev — BoxRec veb-saytida kurash statistikasi.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.