Rustam Xolmatov

Vikipediyada shunday familiyali boshqa shaxslar haqida ham maqolalar mavjud, qarang: Xolmatov.

Rustam Qurbonnazarovich Xolmatov (1961-yilda tugʻilgan, Oqqoʻrgʻon tumani, Toshkent viloyati, Oʻzbekiston SSR) – oʻzbekistonlik davlat arbobi, Toshkent viloyati hokimi (2019-yil 4-iyun – 2021-yil 30-yanvar).

Rustam Qurbonnazarovich Xolmatov
Toshkent viloyati hokimi
Mansab davri 2019-yil 4-iyun – 2021-yil 30-yanvargacha
Prezident	Shavkat Mirziyoyev
Oʻtmishdoshi	Gʻulomjon Ibragimov
Vorisi	Davron Hidoyatov
Toshkent viloyati hokimining oʻrinbosari
Mansab davri 2018-yil – 2019-yilgacha
Jizzax viloyati hokimining oʻrinbosari
Mansab davri 2017-yil – 2018-yilgacha
Bekobod tumani hokimi
Mansab davri 2016-yil – 2017-yilgacha
Quyi chirchiq tumani hokimi
Mansab davri 2003-yil – 2008-yilgacha
Shaxsiy maʼlumotlari
Tavalludi	1961 Oqqoʻrgʻon tumani, Toshkent viloyati, OʻzSSR
Maʼlumoti	Toshkent davlat iqtisodiyot universiteti
Mukofotlari

Biografiyasi

Rustam Xolmatov 1961-yilda Toshkent viloyatida tugʻilgan. 1987-yilda Toshkent xalq xoʻjaligi institutini (hozirgi Toshkent davlat iqtisodiyot universiteti) tugatgan. 1977-yilda Oqqoʻrgʻon sovxozida iqtisodchi, keyin katta iqtisodchi, soʻngra bosh iqtisodchi boʻlib ishlagan.

1995-yilda Toshkent viloyati hokimining birinchi oʻrinbosari etib tayinlandi. 2003-yilda Chinoz va Quyi chirchiq tumani hokimi, 2008-yilda esa Toshkent viloyati hokimi etib tayinlangan. 2013-yilda Islom Karimovning buyrugʻi bilan lavozimidan chetlashtirildi. 2016-yilda Toshkent viloyati Bekobod tumani hokimi lavozimiga qaytdi. 2017-yilda Jizzax viloyati hokimining oʻrinbosari etib tayinlandi. 2018-yil oktyabrdan qishloq va suv xoʻjaligi, arxitektura, kapital qurilish va aloqalarni rivojlantirish boʻyicha birinchi oʻrinbosar boʻlib ishlagan.

2019-yil 4-iyunda Toshkent viloyati hokimi etib tayinlandi. 2021-yil 30-yanvar kuni oʻz xohishi bilan lavozimidan ozod qilindi. Shavkat Mirziyoyev 2021-yil 19-mart kuni xalq deputatlari Toshkent viloyati kengashining navbatdan tashqari sessiyasida Rustam Xolmatovni ishdan boʻshatish niyati boʻlmaganini lekin, uning oʻzi ishdan boʻshash toʻgʻrisida ariza yozganini maʼlum qilgan.

Mukofotlari

• Mehnat shuhrati ordeni (2002-yil 27 avgust)

Manbalar

1. https://qalampir.uz/news/rustam-kholmatov-yana-toshkent-viloyati-%D2%B3okimi-buldi-12832
2. https://www.gazeta.uz/ru/2008/12/17/hokim/
3. https://www.gazeta.uz/ru/2021/01/30/toshvil/
4. https://president.uz/ru/lists/view/2644
5. https://news.rambler.ru/world/46038627-v-uzbekistane-smenili-glavu-tashkentskoy-oblasti/
6. „Президент Тошкент вилояти собиқ ҳокими нега ишдан олинганини маълум қилди“. Bugun.uz. 2021-yil 5-avgustda asl nusxadan arxivlangan. Qaraldi: 2021 йил 19 март.