Shavkat Yoʻldoshev

Shavkat Muxitdinovich Yoʻldoshev (1943-yil 20-sentabrda tugʻilgan) — oʻzbek siyosatchisi, Oliy Kengashning / Oʻzbekiston Oliy Majlisi sobiq raisi.

Tarjimai holi

Oʻzbekiston SSR, hozirgi Oʻzbekistonning Namangan shahrida tugʻilgan.

1961-yilda oʻrta maktabni tamomlagan, Namangan „Pyatiletka“ yigiruv-toʻquv fabrikasida ta’mirchi boʻlib ishlagan.

1964-1969-yillarda Moskva energetika institutida tahsil olgan. Oʻzbekiston Fanlar akademiyasi Elektronika ilmiy-tadqiqot institutida katta muhandis boʻlib ishlagan.

1970-yildan — „Elektroterm“ ishlab chiqarish birlashmasi ustasi, katta dispetcheri, katta muhandis-operatori, keyin ishlab chiqarish boshligʻi, elektromexanika tsexlari bosh muhandisi, „Namangansvet" korxonasi direktori sifatida faoliyat yuritgan.

Siyosiy faoliyati

1973-yilda KPSS a’zoligiga qabul qilingan.

1974-yildan Namangan shahrida partiya ishida: partiyaning Namangan viloyat komiteti instruktori, mudir oʻrinbosari, boʻlim mudiri, Sovet tuman Kengashi ijroiya qoʻmitasi raisi, Namangan viloyat ijroiya qoʻmitasi raisining oʻrinbosari lavozimlarida ishlagan. 1980-yilda KPSS Markaziy Komiteti huzuridagi Ijtimoiy fanlar akademiyasini tamomlagan. Shu yili iqtisod fanlari nomzodi uchun „Mehnat unumdorligini oshirishni rejalashtirish (sanoat materiallari asosida)“ mavzusida nomzodlik dissertatsiyasini himoya qilgan.

1984-yildan — Oʻzbekiston Kompartiyasi Namangan shahar qoʻmitasi birinchi kotibi. 1985-1987-yillarda — KPSS Markaziy Qoʻmitasining tashkiliy-partiyaviy ishlar boʻlimi instruktori boʻlgan.

1987-yildan — Kompartiya Sirdaryo viloyat qoʻmitasining ikkinchi kotibi, 1988-yildan — Fargʻona viloyat komitetining birinchi kotibi. Bir vaqtning oʻzida, 1990-yil mart oyidan xalq deputatlari Fargʻona viloyat Kengashi raisi boʻlgan.

1989-yil bahorida Oʻzbekiston SSR 124-sonli Margʻilon milliy-hududiy saylov okrugidan SSSR xalq deputati etib saylangan.

1990-yil mart oyida Fargʻona viloyat Kengashi raisi, iyun oyida esa Oʻzbekiston Kompartiyasi Markaziy nazorat-taftish komissiyasi raisi etib saylangan.

XIX-Butunittifoq partiya konferentsiyasi va KPSS XXVIII-s’ezdi delegati boʻlgan. 1990-1991-yillarda - KPSS Markaziy nazorat komissiyasi a’zosi, KPSS Markaziy nazorat komissiyasi Prezidiumi a’zosi boʻlgan. 1991-yil 12-iyunda yashirin ovoz berish yoʻli bilan Oʻzbekiston Oliy Kengashi (hozirgi — Oliy Majlis) uni rais etib saylagan. 1993-yilda ishdan nafaqaga chiqarilgan.

Oilasi

Rafiqasi Dilbar — oʻqituvchi. Bir qizi va uch oʻgʻli bor.