Abdulhafiz Jalolov

Abdulhafiz Jalolov
Tavalludi	2-fevral 1947-yil Yangiqoʻrgʻon tumani, Namangan viloyati, OʻzSSR
Vafoti	29-iyul 2019-yil(2019-07-29) (72 yoshda) Yangiqoʻrgʻon, Namangan viloyati
Fuqaroligi	SSSR va Oʻzbekiston

Jalolov Abdulhafiz Marahimovich (2-fevral, 1947-yil, Birlashgan qishlogʻi, Yangiqoʻrgʻon tumani, Namangan viloyati – 29-iyul, 2019-yil, Birlashgan qishlogʻi, Namangan) – Sovet va Oʻzbekiston davlat, siyosiy, partiyaviy va fan arbobi, falsafa fanlari doktori. 1993—2002-yillarda Oʻzbekiston xalq demokratik partiyasi siyosiy kengashi raisi boʻlgan. 2000-yilning noyabrida boʻlgan prezidentlik saylovlarida rasman 4,17% ovoz olgan holda Islom Karimovning yagona raqibi sifatida tanilgan.

1947-yilda Namangan viloyati Yangiqoʻrgʻon tumani Birlashgan qishlogʻida shifokor oilasida tugʻilgan. 1964-yilda shu qishloqdagi 14-oʻrta maktabni tamomlagan.

1969-yilda Toshkent davlat universitetining falsafa fakultetini tamomlagan.

1969—1971-yillarda Termiz shahridagi chegara zastavasi boshligʻining oʻrinbosari sifatida Chegara qoʻshinlari saflarida muddatli harbiy xizmatni oʻtagan.

1971—1972-yillarda Toshkent davlat universitetining falsafa kafedrasi oʻqituvchisi boʻlib ishlagan. 1972—1977-yillarda Oʻzbekiston SSR Fanlar akademiyasi Falsafa va huquq instituti ilmiy xodimi sifatida ishlagan.

1976-yilda „Gegel va Sharq xalqlarining falsafiy tafakkuri“ mavzusida nomzodlik dissertatsiyasini himoya qildi.

1977—1981-yillar oraligʻida – Oʻzbekiston davlat jismoniy tarbiya va sport universiteti Falsafa kafedrasi mudiri. 1981—1992-yillarda ToshDU qoshidagi Malaka oshirish institutida falsafa kafedrasi dotsenti, fan boʻyicha direktor oʻrinbosari lavozimlarida ishlagan.

1992-yilda „Insonni har tomonlama rivojlantirish va jamiyatni insonparvarlashtirish muammolari“ mavzusida nomzodlik dissertatsiyasini himoya qilgan.

Bir muddat Oʻzbekiston Respublikasi Prezidenti huzuridagi Jahon muammolari instituti boʻlim mudiri boʻlgan.

1993—2001-yillarda Oʻzbekiston Fanlar akademiyasi Falsafa va huquq institutini boshqargan.

1986—1991-yillar oraligʻda Oʻzbekiston Kommunistik partiyasi Markaziy Komiteti maʼruzachisi, maʼruza guruhi rahbari.

1991-yilda Oʻzbekiston Xalq demokratik partiyasi tashkil topganidan buyon partiya markaziy kengashi boʻlim mudiri lavozimida ishlab kelgan.

1994-yilning avgust oyida Oʻzbekiston Xalq demokratik partiyasi Markaziy Kengashining birinchi kotibi etib saylandi, 1999-yil oktyabrda qayta saylandi. 2003-yil 27-dekabrda oʻz lavozimidan ozod qilindi.

1994-yil dekabr oyida Oliy Majlisga saylangan. U parlamentdagi OʻzXDP fraksiyasi raisi boʻlgan.

2000-yilning yanvar oyida boʻlib oʻtgan prezidentlik saylovlarida u amaldagi prezident Islom Karimovga yagona muqobil raqib boʻlgandi. Jalolov mazkur saylov payti amaldagi davlat rahbari uchun ovoz berganini bildirgan. Rasmiy maʼlumotlarga koʻra, Jalolov 4,17% ovoz olgan.

2003-yilda XDP Markaziy kengashi birinchi kotibligidan ozod etildi. Shundan soʻng Yuristlar malakasini oshirish markazi hamda Oliy pedagogika instituti professori lavozimlarida ishladi.

2019-yil 29-iyul kuni Yangiqoʻrgʻon shahrida vafot etgan. U tugʻilib oʻsgan qishlogʻi – Birlashgan qishlogʻida dafn etilgan.

U uylangandi va 4 nafar farzandi bor edi.

Oʻzbekistonlik shaxsiyat haqidagi ushbu maqola chaladir. Siz uni boyitib, Vikipediyaga yordam berishingiz mumkin. k m t