Murod Sharifxoʻjayev

Murod Sharifxoʻjayev
1-Oʻzbekiston Respublikasi Oliy Majlisi Senati raisi
Mansab davri 2005-yil 27-yanvar – 2006-yil 27-yanvar
Prezident	Islom Karimov
Bosh vazir	Shavkat Mirziyoyev
Oʻtmishdoshi	lavozim taʼsis etilgan
Vorisi	Ilgizar Sobirov
Oʻzbekiston Respublikasi Bosh vaziri oʻrinbosari va Istiqbolni belgilash va statistika davlat qoʻmitasi raisi
Mansab davri 1994-yil – 1995-yil
Prezident	Islom Karimov
Bosh vazir	Abdulhoshim Mutalov
Shaxsiy maʼlumotlari
Tavalludi	20-avgust 1932-yil Toshkent, OʻzSSR
Vafoti	14-dekabr 2008-yil(2008-12-14) (76 yoshda) Toshkent, Oʻzbekiston
Fuqaroligi	SSSR Oʻzbekiston
Alma mater	Toshkent moliya iqtisod instituti
Ilmiy unvoni	Oʻzbekiston Fanlar akademiyasi akademigi (1995), iqtisod fanlari doktori (1976)
Mukofotlari	Oʻzbekistonda xizmat koʻrsatgan murabbiy (1992)

Murod Sharifxoʻjayev (1932.20.8, Toshkent — 2008.14.12, Toshkent) – iqtisodchi olim, Oʻzbekiston Fanlar akademiyasi akademigi (1995), iqtisod fanlari doktori (1976), professor (1978), Oʻzbekistonda xizmat koʻrsatgan fan arbobi (1981), Oʻzbekistonda xizmat koʻrsatgan murabbiy (1992). Toshkent moliya iqtisod institutini tugatgan (1953). Shu institutda aspirant, assistent, katta oʻqituvchi (1953—1963), dotsent (1963—1967), xalq xoʻjaligini rejalashtirish kafedrasi mudiri (1967—1979). Oʻzbekiston Davlat plan qoʻmitasi (Gosplan) qoshidagi Iqtisodiy ilmiy tadqiqot instituti direktori (1975—1976), Toshkent xalq xoʻjaligi instituti rektori (1976—1986), Qurilish komplekslari rahbarlari va mutaxassislari malakasini oshirish va kayta tayyorlash instituti prorektori (1986—90), Oʻzbekiston Fanlar akademiyasi bosh ilmiy kotibi (1990—1991). Oʻzbekiston Respublikasi Bosh vaziri oʻrinbosari va Istiqbolni belgilash va statistika davlat qoʻmitasi raisi (1994—1995), Oʻzbekiston Respublikasi Prezidenti huzuridagi Davlat va jamiyat qurilishi akademiyasining rektori (1995-yil aprel—iyul). Toshkent moliya instituti rektori (1991—2005).

Ilmiy ishlari Oʻzbekistonda kapital qurilishi, iqtisodiy nazariya, respublikaning iqtisodiy mustaqilligini mustahkamlash, iqtisodiyotni erkinlashtirish, xalq xoʻjaligida tarkibiy oʻzgarishlar, tashqi iqtisodiy aloqalar, aholini ish bilan taʼminlash va boshqa masalalarga bagʻishlangan. Oliy oʻquv yurtlari uchun darslik, oʻquv qoʻllanmalari muallifi.

2-chaqiriq Oʻzbekiston Respublikasi Oliy Majlisi deputati. 2005-yil fevraldan 2006-yil 27-yanvargacha Oʻzbekiston Respublikasi Oliy Majlisi Senati raisi.

• Kapitalnoye stroitelstvo v Uzbekistane i yego materialnotexnicheskaya baza, T., 1971;
• Ekonomicheskiye problemi proizvodstva stroitelnix materialov, T., 1971;
• Bozor iqtisodiyoti nazariyasi va amaliyoti, T., 2000;
• Menejment, T., 2001;
• Oʻzbekiston. Yangi gʻoyalar, yangi yutuqlar, T., 2002;
• Oʻzbekistonda ochiq fuqarolik jamiyatining shakllanishi, T., 2003;
• Chelovek, opredelivshey epoxu, M, 2004;
• Davrni belgilab bergan inson, T., 2004 (hammualliflikda).

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Olim haqidagi ushbu maqola chaladir. Siz uni boyitib, Vikipediyaga yordam berishingiz mumkin. k m t