Idgay Tazetdinov

Idgay Borisovich Tazetdinov

Shaxsiy maʼlumot
Toʻliq ismi	Idgay Borisovich Tazetdinov
Tavallud sanasi	13-yanvar 1933-yil
Tavallud joyi	SSSR O‘zbekiston SSR
Vafot sanasi	11-avgust 1979-yil(1979-08-11) (46 yoshda)
Vafot joyi	Dneprodzerjinsk, Dnepropetrovsk viloyati,  Ukraina SSR, SSSR
Ampluasi	yarimhimoyachi
Professional faoliyati*
Yillar	Jamoa	Isht.	(Gol.)
1948-yil 1953-1955-yillar 1956-1963-yillar 1964-1965-yillar	Mehnat (Toshkent) Spartak (Toshkent) Paxtakor Poliotdel		( 51 (11) 202 (33) ? (4))
Milliy terma jamoa
1964-1969-yillar 1971-1972-yillar 1973-yil 1974-yil 1976-yil 1977-1979-yillar	Poliotdel Yangiyer Andijon Yangiariq Yangiyer Paxtakor		(murabbiy)
*Professional klublardagi gollari (ichki chempionat)

Idgay Borisovich Tazetdinov (1933-yilning 13-yanvarida Oʻzbekiston SSRda tugʻilgan – 1979-yilning 11-avgustida Dneprodzerjinsk, Dnepropetrovsk viloyatida vafot etgan) – sovet futbolchisi va yarimhimoyachisi. SSSR sport ustasi (1962-yil), Oʻzbekiston SSRda xizmat koʻrsatgan murabbiy (1977-yil).

Idgay Borisovich Tazetdinov futbolchilik faoliyatini dastlab Toshkentning „Medik“ bolalar jamoasida, keyinchalik esa „Mehnat“ klubida boshlagan. 1953-1955-yillarda Toshkentning „Spartak“ jamoasining „B“ toifasida oʻynagan. 1956-yildan "Paxtakor"da faoliyatini davom ettirgan. Toʻrt yil davomida „B“ toifasida 108 ta oʻyin oʻtkazgan, ushbu oʻyinlarda 21 ta gol urishga muvaffaq boʻlgan.

• 1958-yildan – jamoa sardori hisoblangan.
• 1960-1963-yillarda „A“ klasida 94 ta oʻyin oʻtkazib, 12 ta gol urgan;
• 1964-1965-yillarda "Poliotdel" jamoasida oʻyinchi murabbiy;
• 1969-yilgacha „Poliotdel“da murabbiy boʻlib ishlagan.

Tazetdinov shuningdek, „Yangiyer“ (1971-1972-yillar), „Andijon“ (1973-yil) va "Yangiariq" (1974-yil) klublari katta murabbiy hamda Yangiyer jamoasi rahbari (1976-yil) sifatida faoliyat koʻrsatgan.

1977-yildan esa „Paxtakor“ murabbiyi sifatida ishlay boshlagan.

Idgay Tazetdinov 1979-yilning 11-avgustida jamoasi bilan Dneprodzerjinsk osmonida aviahalokatga uchragan.

Mashhur futbolchi Toshkentdagi birinchi shahar qabristoniga dafn etilgan.

Idgay Tazetdinov:

• Oʻzbekiston SSR terma jamoasi tarkibida 1956-yil SSSR xalqlari Spartakiadasining futbol turniri ishtirokchisi.
• 1979-yildagi SSSR xalqlari Spartakiadasining futbol turnirida Oʻzbekiston SSR terma jamoasi murabbiyi hisoblangan.

Turmush oʻrtogʻi – Alla Sergeyevna Shulepina-Tazetdinova, „Kino aktyori“ ijodiy ishlab chiqarish birlashmasi rahbari vazifasida ishlagan .

• Tazetdinov Idgay Borisovich (1933.13.I −1979.11.VIII)